Дар робита ба масъалаи тамдиди муҳлати ҳузури пойгоҳи низомии Русия дар Тоҷикистон муовини директори Маркази тадқиқоти стратегии назди президенти Тоҷикистон Сайфулло Сафаров изҳор кард, ки дар ин масъала барои Тоҷикистон маблағ муҳим нест.
«Барои мо маблағ муҳим нест, - гуфт ӯ зимни нишасти хабарӣ. – Барои мо муҳим он аст, ки Русия ба манфиатҳои миллии мо эҳтиром гузорад. Манфиатҳои миллии мо бошанд, қабл аз ҳама тақдири муҳоҷирони кории тоҷик дар Русия мебошад. Ҳамчунин мо ба коҳиши ҳаҷми боҷи содиротӣ ба маҳсулоти нафтии Русия барои Тоҷикистон манфиатдорем. Ғайр аз ин, мо дигар манфиатҳои сиёсиву иқтисодӣ низ дорем ва хоҳони он ҳастем, ки шарикамон онҳоро ба инобат гирад».
Муовини директори МТС зикр кард, ки иттилои маблағи 300 млн. доллари ИМА, ки гӯё Тоҷикистон барои ҳузури пойгоҳи низомии Русия талаб карда бошад, асоси воқеӣ надорад.
«Инро чандин маротиба намояндагони расмии Тоҷикистон, аз ҷумла вазири корҳои хориҷии ҷумҳурӣ низ инкор карданд», - иброз дошт ӯ.
Ба қавли С.Сафаров, гуфтушунидҳо дар ин хусус идома дошта, ояндаи наздик масъала ба таври муқаррарӣ роҳи ҳалли худро пайдо хоҳад кард. «Гуфтушунидҳоро идома медиҳем, - гуфт ӯ. – Миёни кишшварҳои мо масоили ҳалношуда нестанд ва дар ин бора чанде пеш сарони кишварҳо ибрози назар карда буданд».
Дар ҳамин ҳол, имрӯз нашрияи «Коммерсантъ» бо истинод ба як манбаъи огаҳ аз ҷараёни гуфтушунид дар бораи ҳузури пойгоҳи низомии Русия дар Тоҷикистон менависад, ҳукуматдорони Тоҷикистон арзиши будубоши пойгоҳи низомии Русияро 250 млн. $ дар як сол арзёбӣ кардаанд.
Дар навбати худ, намояндагони дастгоҳи марказии Вазорати мудофиаи Русия дар робита ба ин масъала изҳор кардаанд, ки то ҳанӯз варианти пешниҳодоти ҷониби Тоҷикистон дар бораи дароз кардани муҳлати будубоши пойгоҳи низомии 201-уми Русия дар қаламрави Тоҷикистонро дастрас накардаанд ва маълумот роҷеъ ба дар як сол пардохт кардани 250 млн. $-ро на тасдиқ карда метавонанду на инкор.
Марказҳои тестии Русия дигар аз муҳоҷирон имтиҳон қабул намекунанд. Акнун дар куҷо ва чӣ хел онҳоро супоридан лозим аст?
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Кулли ахбор
Авторизуйтесь, пожалуйста