Имрӯз аз барқароршавии муносибатҳои дипломатӣ байни Тоҷикистон ва Словакия 20 сол пур мешавад ва аз давраи барқароршавии муносибатҳои дипломатӣ робитаҳои дуҷониба ва бисёрҷонибаи Тоҷикистон бо Словакия дар асоси эҳтироми ҳамдигар ва ҳамкории мутақобилан судманд рушду равнақ меёбанд.
Бино ба маълумоти департаменти иттилооти Вазорати корҳои хориҷии ҷумҳурӣ, дар маҷмӯъ робитаҳои дуҷониба ва бисёрҷонибаи Тоҷикистону Словакия тамоюл ба густариш доранд. Дар муносибатҳо фазои ҳусни тафоҳум, наздикии мавқеъҳо роҷеъ ба масоили муҳими алоҳидаи байналмилаӣ ва минтақавӣ вуҷуд дорад.
Дар ин 20 соли сипаригашта Ҷумҳурии Тоҷикистон ва Ҷумҳурии Словакия дар самти ривоҷу таҳкими муносибатҳо дар соҳаҳои сиёсӣ, иқтисодӣ, фарҳангӣ ва ғайра ба натиҷаҳои назаррас расидаанд.
Яке аз соҳаҳои муҳими муносибатҳои дуҷониба рушд ва густариши заминаи шартномавӣ-ҳуқуқӣ ба ҳисоб меравад. Байни Ҷумҳурии Тоҷикистон ва Ҷумҳурии Словакия 2 созишномаи дуҷониба - Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Словакия оид ба кӯмаки инвеститсионӣ ва Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Словакия оид ба савдо робитаҳои иқтисодӣ ва ҳамкорӣ дар соҳаи илму техника ба имзо расидаанд. Айни замон боз як санад - Лоиҳаи Созишнома байни Ҳукумати Ҷумҳурии Тоҷикистон ва Ҳукумати Ҷумҳурии Словакия оид ба ҳавасмангардонӣ ва ҳифзи мутақобилаи сармоягузорӣ мавриди баррасии ҷонибҳо қарор дорад.
Ҳамкориҳои иқтисодии Тоҷикистон бо Словакия дар ҳоли ташаккул қарор дошта, имкониятҳои ба роҳ мондани робитаҳои тиҷоратӣ-иқтисодӣ пурра истифода нашудаанд.
Солҳои охир табодули мол байни Ҷумҳурии Тоҷикистон ва Ҷумҳурии Словакия тамоюл ба зиёдшавӣ дорад.
Муносибатҳои дуҷониба дар соҳаи маориф ва илм низ дар ҳолати рушд қарор доранд. Ҳар сол тавассути Барномаи Ҳукумати Ҷумҳурии Словакия барои номзадони илм барои таҳсил дар магистратура дар соҳаҳои гуногуни иқтисодиёти Донишгоҳи Братислава бурсияҳо пешниҳод карда мешаванд.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста