Эмомалӣ Раҳмон, раиси ҷумҳури Тоҷикистон дар пайи ҳамлаи террористӣ дар шаҳри Кирмон ба Иброҳим Раисӣ, раиси ҷумҳурии Эрон ва мардуми ин кишвар изҳори таслият карда, ҳамзамон, ин ҳодисаро шадидан маҳкум кард.
Эмомалӣ Раҳмон дар барқияи изҳори тасаллӣ ба ҳамтои эронияш Иброҳим Раисӣ гуфтааст, “дар иртибот ба оқибатҳои фоҷеабори ҳамлаи террористӣ дар Кирмон, ки боиси ба ҳалокат расидан ва ҷароҳат бардоштани шумораи зиёди одамон гардид, ҳамдардӣ ва таслияти амиқи ин ҷонибро ба Шумо, мардуми дӯсту бародари Эрон, пайвандону наздикони ҷонбохтагон иброз менамоям”.
“Аз Худованди мутаъол барои фавтидагон раҳмату мағфират ва барои ҳамаи осебдидагон шифои оҷилу комил мехоҳам”, - дуо кардааст раисҷумҳури Тоҷикистон.
Сарвари кишвар афзудааст, “Тоҷикистон чун ҳамеша терроризмро дар ҳама гуна зуҳуроташ шадидан маҳкум карда, зарурати муборизаи беамонро алайҳи он мудом таъкид мекунад”.
Маврид ба зикр аст, ки бар асари таркишҳо дар маросими солгарди ёдбуди фармондеҳи Нерӯҳои таъиноти махсуси “Ал-Қудс”-и сипоҳи посдорони инқилоби исломии Эрон генерал Қосим Сулаймонӣ дар макони дафнаш, оромгоҳи Гулзори Шуҳадои музофоти Кирмон 103 нафар ҳалок шуданд.
Ҳамчунин, 211 нафари дигар осеб дида, вазъи солимии 27 нафари онҳо вазнин арзёбӣ мешавад.
Имрӯз, 4-уми январ дар Эрон мотами миллӣ эълон шуд.
Тафсилоти ин воқеаро дар хабари “Азия-Плюс” мутолиа кунед.
94% марзи Тоҷикистону Қирғизистон муайян шуд. Баъди 3 соли баста будан, сарҳади ду кишвар боз мешавад?
Ҷустуҷӯи ҷасади Рӯзигули 13-сола баъди 8 моҳи ғарқшавияш. Масъулин сабаби таъхири кофтуковро шарҳ доданд
Дар шаҳрдории пойтахт чӣ гуна мехоҳанд мушкили ифлосшавии кӯчаҳоро бартараф кунанд?
Вазири маориф: “Волидон ба истифодаи планшету телефон дар мактаб розӣ нашуданд”
“Ҳама иншооти сайёҳиро месанҷанд”. Нигаронии раиси Кумитаи рушди сайёҳӣ аз кам будани шаркатҳои сайёҳӣ
Раҳим Саидзода: Дар Тоҷикистон 2 ҳазору 670 омӯзгор намерасад
Киҳо аз ҳама зиёдтар аз истифодаи барқ қарздоранд?
Имрӯз дар Париж Бозиҳои олимпӣ оғоз мешавад
“Аудиокитоб” бо Субҳон Ҷалилов. Маснавии маънавӣ. Ҳикояи “Фаросати Луқмон”
Агентӣ: Имсол об барои обёрӣ дар Тоҷикистон камбуд намешавад
Кулли ахбор
Авторизуйтесь, пожалуйста