Имрӯз, 27 май дар робита ба 20-солагии ба имзо расидани Аҳднома миёни Тоҷикистон ва Қирғизистон байни сарони ин кишварҳо Эмомалӣ Раҳмон ва Садир Жапаров мубодилаи барқияҳои табрикӣ сурат гирифт.
Ба иттилои хадамоти матбуоти сарвари давлат, Эмомалӣ Раҳмон ба ин муносибат Садир Жапаровро табрик намуда, зикр кард, ки “ин санади бунёдӣ асосҳои ҳуқуқии муносибатҳои кишварҳои моро дар шароити нави давлатдорӣ таҳким бахшида, заминаи мусоиди рушди ҳамкориро дар ҳама соҳаҳои мавриди таваҷҷуҳи тарафайн фароҳам овард”.
Эмомалӣ Раҳмон таъкид дошт, ки татбиқи амалии муқаррароти Аҳднома дар оянда низ барои пешбурди босамари ин раванд бар асоси усулҳои созандагӣ, равобити дӯстона, ҳамсоягии нек, эҳтиром ва эътимоди байниҳамдигарӣ хизмат хоҳад кард.
“Дар ин зимн алоқамандии ҷониби Тоҷикистонро ба идомаи муколамаи байнидавлатии ду кишвар ва талошҳои муштараки минбаъда ҷиҳати густариши бомароми робитаҳои гуногунҷанбаи ҷонибҳо таъкид менамоям”, - овардааст гуфтаҳои Эмомалӣ Раҳмонро хадамоти матбуот.
Сарвари давлати Тоҷикистон ба Садир Жапаров сиҳатмандии бардавом ва дар фаъолияти давлатиааш комёбиҳо ва ба мардуми Қирғизистон сулҳу суботи пойдор ва пешрафту шукуфоӣ орзу кардааст.
Дар навбати худ, президенти Қирғизистон Садир Жапаров низ Эмомалӣ Раҳмонро табрик карда, иҳори итминон кардааст, ки “таҳкими муносибатҳои неки ҳамсоягӣ дар заминаи эҳтироми ҳамдигар, эътимод, ризоият ва баробарҳуқуқӣ заминаи зарурӣ барои рушди минбаъдаи ҳамкории бисёрҷанбаи дуҷониба ташкил дода, ҷавобгӯи манфиатҳои умумии мардумони мо мебошад”.
“Бовар дорам, ки мо дар такя ба натиҷаҳои мавҷуда ва бо талошҳои муштарак метавонем таҳкими минбаъдаи муносибатҳои неки ҳамсоягӣ ва шарикии мардумони Қирғизистону Тоҷикистонро таъмин намоем”, - таъкид доштааст президенти кишвари ҳамсоя.
Жапаров ба сарвари давлати Тоҷикистон саломатии бардавом, некуаҳволӣ ва дар фаъолияти давлатиаш муваффақият, инчунин ба мардуми Тоҷикистон сулҳу шукуфоӣ таманно кардааст.
Шахсони ниқобпӯш ва бо либосҳои сиёҳ. Сокинони Конибодом дар ҳаросу мақомот хомӯш
“Кӯдаконро дошта намешавад”. Андешаи сокинон дар бораи манъи идгардак
Иди саиди Қурбон муборак!
“Сӯи душман тез кардам ман қаламро...”. Зулфия Атоӣ 70-сола шуд
Чӣ гуна як зани афғонистонӣ дар Тоҷикистон ба паноҳҷӯён ҷои кор медиҳад?
Интихоботи Эрон. Кӣ президент мешавад ва муносибат бо Тоҷикистон тағйир мехӯрад?
“Муллои ҷинбарор” боздошт ва бо пардохти ҷарима озод шуд
Саидҷаъфар Усмонзода аз ҳуқуқи дахлнопазирӣ маҳрум ва боздошт шудааст
Дар Иди Қурбон дар куҷои Душанбе чорво забҳ кардан мумкин аст?
Боздошт ва ҳабси шавҳари блогери тоҷик баъди шикояташ оид ба хушунат
Кулли ахбор
Авторизуйтесь, пожалуйста