Ваколатҳои намояндаи мардумии палатаи поёнии парлумони ҷумҳурӣ Хадича Ҳакимова, ки чанде қабл аз олам даргузашт, ба узви дигари Ҳизби халқии демократии Тоҷикистон, муовини директори генералии нерӯгоҳи «Роғун» Дилшод Исматуллоев дода мешаванд.
Тавре ба ОИ «Азия-Плюс» мудири шӯъбаи таблиғот, иттилоот ва матбуоти дастгоҳи Кумитаи иҷроияи марказии ҲХДТ Усмон Солеҳ хабар дод, Хадича Ҳакимова дар ҳавзаи умумиҷумҳуриявии интихоботӣ тибқи рӯйхати ҲХДТ ба вакилии парлумон интихоб шудааст ва аз ин рӯ, ҷойи холишудаи ӯ ба номзади минбаъдаи ҲХДТ тибқи рӯйхат дода мешавад.
Хадича Ҳакимова панҷумин вакили палатаи поёнии парлумон аз ҲХДТ аст, ки пеш аз муҳлат ваколатҳояш бекор мешаванд. Қаблан чор нафар вакилони палатаи поёнии парлумон аз ҲХДТ – Ҳаёт Одинаев, Ҳусейн Алиев, Ҷумъабой Сангинов ва Талбак Салимов дар робита ба таъин шудан ба мансабҳои давлатӣ парлумонро тарк карда буданд.
Ҳизби халқии демократии Тоҷикистон соли 1994 таъсис ёфта, айни замон шумори аъзои он 160 ҳазор нафарро ташкил медиҳад. Раиси ҳизб президенти Тоҷикистон Эмомалӣ Раҳмон мебошад. Аксари аъзои ҳукумат, вакилони палатаи поёнии парлумон ва маҷлисҳои маҳаллии вакилони халқи вилоят ва шаҳру навоҳии ҷумҳурӣ аъзои ҲХДТ мебошанд.
Ҳаҷми истеҳсоли маҳсулоти кишоварзӣ дар Тоҷикистон зиёд шуд
Фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Марказҳои тестии Русия дигар аз муҳоҷирон имтиҳон қабул намекунанд. Акнун дар куҷо ва чӣ хел онро бояд супорид?
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Кулли ахбор
Авторизуйтесь, пожалуйста