Эмомалӣ Раҳмон дар паёми имрӯзааш ба Маҷлиси Олӣ эълон кард, ки тайи 20 соли ахир рушди иқтисод ба ҳисоби миёна дар сатҳи 7,5% таъмин шуда, даромади буҷет аз 252 млн сомонӣ то 28 млрд сомонӣ расид.

Маҷмӯи маҳсулоти дохилии кишвар аз 1,8 млрд сомонӣ дар соли 2000-ум то ба 5 млрд сомонӣ дар соли 2021 афзуд.

Яъне дар ин давра маҷмӯи маҳсулоти дохилӣ қариб 53 баробар, ҳаҷми буҷети давлатӣ - 111 баробар ва ҳаҷми ММД ба ҳар сари аҳолӣ - зиёда аз 30 баробар афзуд.

Президент ҳамчунин зикр кард, ки дар давраи соҳибистиқлолӣ барои 1,4 млн оила барои сохтмони манзил 138 гектар қитъаи замин ҷудо карда шуд.

“Зиёда аз 8 млн 800 ҳазор шаҳрвнадони ҷумҳурӣ имкон пайдо намуданд, ки шароити зиндагиашонро беҳтар созанд. Хотиррасон мекунам, ки давоми 70 соли то истиқлолият ба аҳолӣ ҳамагӣ 77 ҳазор гектар замин ҷудо шуда буд”, - гуфт ӯ.

Сарвари давлат ҳамчунин таъкид дошт, ки соли 1991 дар Тоҷикистон 216 ҳазор автомобилҳои шахсӣ ба қайд гирифта шуда, имрӯз шумори онҳо ба зиёда аз 2 млн адад расидааст.

Эмомалӣ Раҳмон ҳамчунин изҳор намуд, ки дар давраи соҳибистиқлолии кишвар 3,3 млн ҷойҳои корӣ таъсис дода шуданд.

Дар Telegram, Facebook, Instagram, OK ва ВК бо мо бимонед.

Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.