Душанбе. 7-уми июн. «Азия-Плюс» — | Имрӯз дар шаҳри Минск ҷаласаи Шӯрои вазирони мудофиаи кишварҳои узви Созмони аҳдномаи амнияти дасьаҷамъӣ (СААД) ба кор оғоз мекунад, ки Тоҷикистонро дар он муовини аввали вазири мудофиа, сардори ситоди кулли Қувваҳои Мусаллаҳи ҷумҳурӣ Рамил Нодиров намояндагӣ мекунад.
Тавре ба хабарнигори ОИ «Азия-Плюс» сардори хадамоти матуботи Вазорати мудофиаи кишвар Фаридун Маҳмадалиев хабар дод, дар ҷаласаи Шӯрои мазкур масоили беҳбуди самаранокии фаъолияти мутақобилаи сардорони ситоди кулл (Сарраёсатҳо, Кумитаи сардорони ситодҳо, ситодҳои муттаҳида)-и Қувваҳои Мусаллаҳи кишварҳои узви созмон ва такмили фаъолияти ситоди муттаҳидаи СААД мавриди баррасӣ қарор мегиранд. «Дар ҷаласа ба мушкилоти муҷаҳҳаз сохтани Нерӯҳои дастаҷамъонаи вокуниши фаврӣ бо намунаҳои силоҳу муҳимоти муосир, техникаи махсус ва низомӣ низ таваҷҷӯҳи хосса зоҳир хоҳад шуд», - гуфт ӯ.
Ба иттилои манбаъ, ҳамчунин атрофи масоили ташкили нерӯҳои ҳомии сулҳи СААД ва чорабиниҳои амалӣ ҷиҳати омодасозии ин нерӯҳо барои истифода аз рӯйи таъинот низ табодули афкор сурат хоҳад гирифт.
Ёдрас мекунем, ки 18-уми сентябри соли 2003 Оинномаи Созмони аҳдномаи амнияти дастаҷамъӣ мавриди амал қарор гирифта, феълан ба ҳайати он кишварҳои Арманистон, Белорус, Қазоқистон, Қирғизистон, Русия, Точикистон ва Ӯзбекистон шомиланд.
Дар пайи тирпаронӣ дар марзи Тоҷикистону Қирғизистон як омӯзгори тоҷик захмӣ шуд. Тафсилоти пурраи ҳодиса
Охири ҳафта борони шадид меборад ва раъду барқ мешавад. Огоҳии КҲФ ба сокинони кишвар
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
Кулли ахбор
Авторизуйтесь, пожалуйста