Рӯзҳои 12-13-уми апрел бо дастгирии Дафтари САҲА барои кормандони воҳидҳои махсуси Вазорати корҳои дохилии ҷумҳурӣ оид ба омӯзиши тарзу воситаҳои роҳандозии гуфтушунид бо террористони эҳтимолӣ бо мақсади озод кардани гаравгонон тамринҳои тактикӣ созмон дода мешаванд.
Тавре ба ОИ «Азия-Плюс» аз Дафтари САҲА дар шаҳри Душанбе хабар доданд, тамринҳои мазкур дар доираи тренинги «Омодагии тактикии ҳайати раҳбарии воҳидҳои махсуси ВКД ҶТ» гузаронида мешавад, ки аз ҷониби Шуъбаи мубориза бо терроризм ва кор бо мақомоти ҳифзи ҳуқуқи Дафтари САҲА дар Тоҷикистон (рӯзҳои 4-12-уми апрел) созмон дода шудааст.
Дар ҷараёни баргузории тренинг коршиносони байнулмилалӣ кормандони воҳидҳои махсуси ВКД ҶТ-ро бо тарзу усулҳои асосии тарҳрезии тактикии амалиёти мубориза бо терроризм ошно сохта, оид ба роҳандозии гуфтушунид бо террористон, тарзи амалӣ сохтани тирандозии нишонрас ва озодии гаравгонон машғулиятҳо доир сохтанд.
Дар ҳамин ҳол, ба масоили риояи ҳуқуқи инсон дар ҳошияи мубориза бо терроризм ва дар фаъолияти воҳидҳои махсус ҷорӣ намудани усулҳои демкоратии фаъолият таваҷҷуҳи хосса зоҳир гардид.
Ба гуфтаи Оливер Янсер, мушовири Дафтари САҲА оид ба масоили мубориза бо терроризм ва кор бо мақомоти ҳифзи ҳуқуқ, «кормандони воҳидҳои махсуси ВКД Тоҷикистон аз таҷрибаи назарраси мубориза бо терроризм бархӯрдоранд ва тренинги мазкур танҳо барои таҳкиму сайқал додани малакаву қобилиятҳои мавҷуда ва мусоидат ба тақвияти ҳамкориҳои идорӣ ва минтақавӣ дар ин самт равона шудааст».
Шоҳрух Саидзода сардори Раёсати ВКД дар шаҳри Душанбе таъин шудааст
Ҳар як кӯдаки сеюм дар Тоҷикистон ба серӣ хӯрок намехӯрад
Дар як рӯз ду навраси дигар дар об ғарқ шуданд. Тавсияҳои КҲФ дар мавсими оббозӣ
Душанбе то моҳи сентябри соли оянда пурра ба электромобил мегузарад
Шӯрои олимпии Осиё барои сохтмони майдони варзиши сабук дар Душанбе 1,5 млн сомонӣ медиҳад
Аз Урдун шикаст хӯрд. Тоҷикистон имкони роҳ ёфтан ба Ҷоми Ҷаҳон-2026-ро аз даст дод
Идомаи ҷанҷол дар ҲДТ. Усмонзода далелҳои иловагии худро ба Вазорати адлия пешниҳод кардааст
Маҳсулоти кишоварзии Тоҷикистон тозатарин дар ИДМ эътироф шуд
Як мард барои куштори ҳамзисташ 16 сол равонаи зиндон шуд
“Либоси миллиро бо меъёри шаръӣ пӯшед”. “Ҳимоят”-и муфтии Тоҷикистон аз тарҳи қонуни манъи "либоси бегона”
Кулли ахбор
Авторизуйтесь, пожалуйста