Суди олии Тоҷикистон расман эълом дошт, ки фаъолияти гуруҳи «Ҷамоати Ансоруллоҳ» дар қаламрави ҷумҳурӣ манъ карда мешавад.
Қарори суд аз ҷониби судяи Суди олӣ Тоҳир Қодиров дар ҳузури намояндагони васоити ахбори умуми ватаниву хориҷӣ, кормандони тамоми мақомоти қудратӣ ва Кумитаи умури дини кишвар қироат карда шуд. Қарори мазкур бо даъвои Прокурори генералӣ қабул шуд. Ин ташкилот террористӣ ва ифротгаро унвон шуд.
Ба қавли судя, ин қарор бо мақсади ҳифзи сохти конститутсионӣ ва таъмини амнияти кишвар қабул шудааст. Ҳамчунин паҳнкунии маҳсулоти аудио ва видеоии гуруҳ ва таблиғоти ғояҳои он низ манъ шуд. Дастрасӣ ба ду веб-сомонаи созмон www.irshod.net, www.irshod.com. низ мамнуъ эълон шуда, дар қаламрави Тоҷикистон дастрасӣ ба онҳо расман манъ аст.
Намояндаи дар вохӯрӣ ҳузурдоштаи Кумитаи давлатии амнияти миллии ҷумҳурӣ дар робита ба фаъолияти ин гуруҳ изҳор кард, ки «Ҷамоати Ансоруллоҳ» шуъбаи тоҷикистонии Ҳаракати исломии Ӯзбекистон аст ва аз ҷониби «Ал-Қоида» маблағгузорӣ мешавад.
«Аъзои ин гуруҳ ба ҳодисаҳои Рашт дар моҳи сентябри соли 2010, содир намудани амали террористӣ дар назди бинои Шуъбаи минтақавии мубориза бо ҷинояткории созмонёфтаи вилояти Суғд ва ҳамчунин кӯшишоти содир кардани як силсила амалҳои террористӣ дар шаҳри Душанбе даст доранд», - гуфт намояндаи КДАМ.
Ҳамчунин ӯ иброз дошт, ки ҳангоми азназаргузаронии макони будубоши гуруҳи Мулло Абдулло, ки моҳи апрели соли 2011 дар водии Рашт кушта шуд, парчами ҷангии «Ҷамоати Ансоруллоҳ» дарёфт шудааст.
Намояндаи Прокуратураи генералии ҷумҳурӣ Муҳаммадҷон Хайруллоев зикр кард, ки танҳо барои узвият дар ин гуруҳ тибқи моддаи 307 1 КҶ ҶТ (Даъвати оммавӣ дар ба амал баровардани фаъолияти экстремистӣ (ифротгароӣ) то 8 соли зиндон пешбинӣ шудааст.
Ҳукуматдорони Тоҷикистон тобистони соли гузашта пас аз дар шабакаи Интернет пайдо шудани муроҷиати гуруҳи шахсони мусаллаҳ бо даъвати аҳолӣ ба ҷиҳод дар бораи ин гуруҳ хабар доданд.
Дар навори видеоӣ аз шаҳрвандони ҷумҳурӣ, бахусус аз мусулмонон даъват ба амал оварда мешавад, ки тавассути амалҳои террористӣ, ҳамлаҳои мусаллаҳона ва қатли кофирон муқобили сиёсати давлату демократия фаъолият намуда, ба ҷиҳод бархезанд.
«Онҳое, ки намоз мехонанд, рӯза медоранд, ҳаҷ мекунанд, вале аз демократия ҷонибдорӣ менамоянд, кофир мебошанд»,- мегӯяд марде дар видео ва тамоми муслимини кишварро даъват менамояд, ки онҳоро дастгирӣ намоянд.
Ёдрас мекунем, ки қаблан узви гурӯҳи мазкур ҳодисаи таркишеро, ки 3 сентябри соли 2010 дар назди бинои Раёсати мубориза бо ҷинояткориҳои муташаккилонаи Хуҷанд ба амал омада буд, ба дӯш гирифта буд.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста