Чанде қабл дар Вазорати корҳои дохилӣ дар асоси Қарори Ҳукумати Тоҷикистон бо мақсади назорати ҳаракати нақлиёт ва пиёдагардон дар роҳу кӯчаҳои шаҳр, қоидавайронкунӣ, садамаҳо, идораи самараноки ҷараёни нақлиётӣ ва чароғакҳо дар шаҳри Душанбе лоиҳаи Шартнома байни Ҳукумати Ҷумҳурии Тоҷикистон ва ширкати HUAWEI TECHNOLOGIES CO. «Оид ба таҳвили таҳҷизот доир ба низоми худкори идоракунӣ дар соҳаи нақлиёт - Шаҳри бехатар ва хизматрасонии «Таҳти калид» ба имзо расид.
Бино ба маълумоти Вазорати корҳои дохилии ҷумҳурӣ, зимни суханронӣ Вазири корҳои дохилӣ генерал-лейтенанти милитсия Рамазон Раҳимов қайд намуд, ки амалӣ намудани лоиҳаи мазкур метавонад, дар коҳишёбии вайрон намудани қоидаҳои ҳаракати роҳ, пешгирии сар задани садамаҳои нақлиётӣ, таъмин ва танзими бехатарии ҳаракат дар роҳ ва ҷойҳои ҷамъиятӣ, ошкор ва пешгирии ҷинояткорӣ дар пойтахти мамлакат таъсири ҷиддӣ расонад.
Инчунин ноиби Президенти ширкати HUAWEI TECHNOLOGIES CO., хонума Эми Лин иброз намуд, ки лоиҳаи мазкур дар ду марҳила якум, то моҳи май ва дуввум марҳила то моҳи ноябри соли 2013 сохта, мавриди истифода қарор дода мешавад.
Ёдрас мекунем, ки тибқи лоиҳаи «Шаҳри бехатар» дар ҳамаи чорроҳаҳо ва кӯчаю хиёбонҳои шаҳри Душанбе камераҳои наворбардорӣ ва аксгирӣ гузошта мешаванд, то ки бехатарии ҳаракат дар роҳҳо ба таври автоматӣ аз тариқи дастгоҳҳои электронӣ назорат карда шавад.
Қобили зикр аст, ки рӯзи ҷумъаи ҳафтаи гузашта Президенти Тоҷикистон Эмомалӣ Раҳмон Ноиби президенти ширкати Ҳуавейи Ҷумҳурии Мардумии Чин Ами Линро ба ҳузур пазируфт. Дар мулоқот, ки бо иштироки масъулини дахлдор аз ҷониби Тоҷикистон ҷараён гирифт, ҷанбаҳои техникию молиявии лоиҳаи «Шаҳри бехатар» баррасӣ шуд.
Зикр гардид, ки тавассути камера ва таҷҳизоти аксбардорӣ натанҳо ҳаракат дар роҳҳо, балки риояи тартиботи ҷамъиятӣ назорат карда мешавад. Бо татбиқи босамари ин лоиҳа, ҳамчунин мубориза бо ҷинояткорӣ, аз ҷумла коррупсия, саҳл гардида, як қадами муҳим дар роҳи гузаштан ба ҳукумати электронӣ гузошта мешавад.
Ин лоиҳа бо харҷи 22 миллион доллари амрикоӣ, ки қисмати зиёдаш қарзи имтиёзноки Ҷумҳурии Мардумии Чин тавассути Созмони ҳамкории Шанхай мебошад, дар зарфи 7 моҳ амалӣ гардида, 5 сол муҳлати кафолат дорад. Дар доираи ҳамин лоиҳа аз ҷониби ширкати Ҳуавей мутахассисони тоҷик барои кор бо ин таҷҳизоти муосири электронӣ омӯзонда мешаванд. Истифодаи босамари ин технология дар роҳҳои шаҳри Душанбе имкон медиҳад, ки хароҷоти лоиҳа дар зарфи 6 сол барзиёд баргардонда шавад.
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
“Ба хотири шаффофият!”. Пули иҷораи китобҳои дарсӣ низ дигар ғайринақдӣ супорида мешавад
Собиқадорони Ҷанги Бузурги Ватанӣ дар Душанбе чанд пул мегиранд?
Кулли ахбор
Авторизуйтесь, пожалуйста