Аз оғози сол мақомоти ҳифзи ҳуқуқи вилояти Хатлон 17 ҷинояти дорои хусусияти ифрогароиро ошкор намуданд.

Ба гуфтаи ёвари прокурори вилоят Анвар Назаров, аз рӯйи далелҳои ошкоршуда нисбати 21 нафар асосан тибқи моддахои 189 (Барангехтани   кинаю  адовати  миллӣ, нажодӣ, маҳалгароӣ ва ё динӣ), 187 (Ташкили иттиҳоди  ҷиноятӣ) ва 307 (Ташкили иттиҳоди экстремистӣ (ифротгароӣ)-и КҶ ҶТ 15 парвандаи ҷиноӣ боз шудааст.

«Аз ин шумор чор парванда нисбати 7 нафар ба суд ирсол гардида, оид ба ду парванда мурофиаи судӣ баргузор ва гунаҳкорон муҷозот шуданд. Чор парвандаи ҷиноӣ нисбати 5 нафар дар робита ба ҷустуҷӯӣ онҳо мутаваққиф ва парвандаҳои дигар дар ҳоли тафтиш қарор доранд», - зикр кард Назаров.

Ба қавли ӯ, 15 нафар гумонбарон сокинони деҳаи Қизил Нишони ноҳияи Қубодиён, 2 нафарӣ – сокинони ноҳияи Шаҳритӯсу Хуросон ва 1 нафарӣ сокинони ноҳияҳои Ҷомӣ ва Вахш мебошанд. «Аксари онҳо дар Русия ба узвият дар Ҳаракати исломии Ӯзбекистон ҷалб карда шудаанд», - афзуд номбурда.