Рӯзи 1-уми октябр дар Маҷлиси намояндлагони Маҷлиси Олии ҶТ масъалаи тасдиқи Созишнома байни Тоҷикистон ва Русия дар бораи мақом ва шартҳои будубоши пойгоҳи Русия дар қаламрави Тоҷикистон баррасӣ мешавад.
Тавре ба ОИ «Азия-Плюс» як манбаъ аз палатаи поёнии парлумони ҷумҳурӣ хабар дод, кумита ва комиссияҳои дахлдори МНМО ҶТ омӯзиши созишномаро ба итмом расонидаанд. Ин санад 5-уми октябри соли гузашта дар Душанбе ба имзо расида буд. Бо қарори Шӯрои МНМО ҶТ, масъалаи тасдиқи созишномаи мазкур ба баррасии ҷаласаи аввали иҷлосияи панҷуми МНМО ҶТ пешниҳод шудааст.
«Ғайр аз ин, вакилон масъалаи тасдиқи Созишнома миёни Тоҷикистону Русия дар бораи тартиби будубоши шаҳрвандони Тоҷикистон дар қаламрави Русияро баррасӣ мекунанд, ки 8-уми феврали соли 2013 ба имзо расида буд. Мутобиқи он, шаҳрвандони Тоҷикистон бидуни қайди расмӣ муддати 15 рӯз метавонанд дар қаламрави Русия қарор дошта бошанд», - гуфт манбаъ.
Ба иттилои манбаъ, бо қарори ҳукумати Тоҷикистион аз 2-юми майи соли 2013, Созишнома миёни Тоҷикистону Русия дар бораи таҳвили маҳсулоти нафтӣ бидуни боҷи содиротӣ тасдиқ гардида буд.
Ёдрас мекунем, ки санаи 18-уми сентябр Президенти мамлакат Эмомалӣ Раҳмон Созишнома байни Тоҷикистону Русияро дар бораи мақом ва шартҳои будубоши пойгоҳи ҳарбии Россия дар қаламрави Тоҷикистон, ки 5 октябри соли 2012 дар шаҳри Душанбе ба имзо расида буд, барои тасдиқ ба Маҷлиси намояндагони Маҷлиси Олии кишвар пешниҳод кард.
Зимни сафари кории аввали моҳи август ба Русия президенти Тоҷикистон Эмомалӣ Раҳмон изҳор дошта буд, ки Созишнома миёни Тоҷикистону Русия дар бораи мақом ва шартҳои будубоши пойгоҳи ҳарбии Русия дар қаламрави Тоҷикистон, ки 5 октябри соли 2012 дар шаҳри Душанбе зимни сафари расмии президенти Русия Владимир Путин ба Тоҷикистон ба имзо расида буд, моҳи октябри соли 2013 аз ҷониби парлумони Тоҷикистон тасдиқ карда мешавад.
Тоҷикистон бинобар сабаби ба амалисозии ҳарчи зудтари созишномаҳо дар бораи муҳоҷират, таҳвили маҳсулоти нафтӣ бидуни боҷи содиротӣ ва ҳамчун таъмини артиши Тоҷикистон бо таҷҳизоту аслиҳаи нав таваҷҷуҳ зоҳир накардани Маскав, ба тасдиқи Созишномаи пойгоҳи низомӣ шитоб надошт.
Дар радабандии кишварҳои камбизоат Тоҷикистон дар ҷойи чандум аст?
Сардори Хадамоти федеролии амнияти Русия: “Ташкилкунандаи асосии ҳамлаи террористӣ ба “Крокус Сити Ҳол” дар хориҷа аст”
Қазоқистон низ тафтиши муҳоҷирони кории тоҷикро бештар ва чораҳои амниятиро дар фурудгоҳҳо пурзӯр кардааст
Тоҷикистон дар раддабандии озодии матбуот боз ду зина поён рафт
Имсол ба ҳар як иштирокчии ҶБВ қариб 50 ҳазор сомонӣ медиҳанд
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
“Ба хотири шаффофият!”. Пули иҷораи китобҳои дарсӣ низ дигар ғайринақдӣ супорида мешавад
Собиқадорони Ҷанги Бузурги Ватанӣ дар Душанбе чанд пул мегиранд?
Кулли ахбор
Авторизуйтесь, пожалуйста