Толибон* изҳор доштанд, ки ду шаҳрванди Тоҷикистонро боздошт кардаанд. Ба қавли намояндагони ин гурӯҳ, боздоштшудагон дар Русия ба сафи ДОИШ* пайваста, тавассути Туркия ва Эрон ба Афғонистон ворид шуданд ва мехостаанд, ки бо ин роҳ ба сафи ДОИШ дар Покистон пайванданд.
Навори эътирофи боздоштшудагонро пойгоҳи “Almirsad English” дар саҳифааш дар шабакаи Х (пештара Твиттер) нашр кардааст ва гуфта мешавад, ки онҳо ҳоло дар боздоштгоҳи гурӯҳи Толибон қарор доранд.
Боздоштшудагон дар навор худро Аминҷон Файзови 21-сола, зодаи шаҳри Кӯлоб ва Давлатов Сироҷиддин Шамсовичи 21-сола, зодаи ноҳияи Восеъ муаррифӣ мекунанд.
Аминҷон Файзов мегӯяд, ки дар вилояти Владимирскии Русия ба сафи гурӯҳи ДОИШ даъват шудааст ва даъватгарон гуфтаанд, ки “аввал бояд ба Туркия, баъдан ба Эрон ва баъдан ба Афғонистон ҳиҷрат намоем”.
“Мо ҳам ҳиҷрат намуда, ба Афғонистон омадем. Ба мо хабар расид, ки бояд шумо ба шаҳри Кветтаи Покистон ҳиҷрат намоед, то дар он ҷо дарси шаръӣ ва ҳарбиро омӯзед ва баъд аз дарси шаръӣ ва ҳарбӣ мо плонҳои худро ба шумо иҷро менамоем”, - мегӯяд Файзов.
Ӯ меафзояд, ки ҳангоми хоки Афғонистонро тарк намудан, дар марзи Нимрӯз аз ҷониби мақомоти Толибон боздошт шудааст.
Ҳамин тавр, Сироҷиддин Давлатов ҳам гуфтаҳои Аминҷон Файзовро такрор карда, танҳо ҷузъиёти роҳи пайвастан ба сафи ДОИШ-ро ошкор мекунад.
Ӯ мегӯяд, ки тариқи телеграм ба ДОИШ пайваст шудааст ва бо фармондеҳони ин гурӯҳ ба алоқа мебаромадааст.
Маълум нест, ки ин ду гумонбар кай боздошт шудаанд, вале ба навиштаи манбаъ, онҳо ҳоло дар боздоштгоҳи Толибон қарор доранд.
Мақомоти Тоҷикистон то ба ҳол дар ин бора вокуниш накардаанд.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Марказҳои тестии Русия дигар аз муҳоҷирон имтиҳон қабул намекунанд. Акнун дар куҷо ва чӣ хел онро бояд супорид?
Кулли ахбор
Авторизуйтесь, пожалуйста