Кӯлоб. 23-юми июн. «Азия-Плюс» — | Дар 10 ноҳияи минтақаи Кӯлоби вилояти Хатлон 1813 га, аз ҷумла беш аз 200 га заминҳои обии бекорхобида ошкор карда шуданд.
Тавре ба ОИ «Азия-Плюс» сардори кумитаи минтақавии заминсозӣ Тоҳир Саидов хабар дод, миқдори бештари заминҳо бекорхобида ба ноҳияи Фархор рост меоянд. «Агар ба 105 га заминҳои бекорхобидаи обӣ ботлоқшавӣ, мавҷуд набудани каналҳои гидротехникии обёрӣ ва ғайраро сабаб пеш оранд, пас заминҳои бекорхобидаи лалмӣ тамоман бесоҳиб партофта шудаанд», - гуфт ӯ.
Ба қавли Т.Саидов, аз рӯйи нархҳои соли 2010 ҳаҷми маблағи андози ягона барои 1 га замин дар ноҳияи Фархор 87 сомониро ташкил медиҳад, вале сарфи назар аз пардохтани чунин маблағи андоз, хоҷагиҳо 1110 га заминро истифода намекунанд. «Мутахассисони кумита бо назардошти ҳисоби арзиши ҳосилнокии зироати ғалладона дар ноҳияи Фархор, ба омодасозии қарор бобати ҷаримабандии хоҷагиҳо барои истифода набурдани замин машғуланд», - иброз дошт вай.
Сардори кумитаи минтақавии заминсозӣ мегӯяд, соли равон дар минтақаи Кӯлоби вилояти Хатлон 401 ҳолати риоя накардани қонунгузорӣ дар бораи истифода замин ба қайд гирифта шудааст. «Аз ин микдор 327 нафар қонуншиканон дар ҳаҷми 98 ҳазору 297 сомони ҷаримабандӣ шуда, маводи 42 нафари дигар ба мақомоти додситонӣ ирсол шуд», - афзуд Т.Саидов.
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Кулли ахбор
Авторизуйтесь, пожалуйста