Роҳбарони медиа-созмонҳои Тоҷикистон аз вазъи мавҷуда атрофи созмони шарикашон – Маркази журналистикаи экстремалӣ, ки сохтори ҳомии ҳуқуқи Иттифоқи журналистони Русия аст, изҳори нигаронӣ карданд.
Дар изҳороти раиси Иттифоқи журналистони Тоҷикистон Акбаралӣ Сатторов ва раиси Анҷумани миллии расонаҳои мустақили Тоҷикистон (НАНСМИТ) Нуриддин Қаршибоев ба унвони раиси Иттифоқи журналистони Тоҷикистон Всеволод Богданов гуфта мешавад, вазъи мазкур ба нуфуз ва фаъолияти дигар созмонҳои журналистӣ дар қаламрави пасошӯравӣ таъсири манфӣ расонид.
Дар изҳорот зикр мегардад, ки дар тӯли 12 соли фаъолият Маркази журналистикаи экстремалӣ ҳамчун созмони муҳофизи ҳуқуқҳои журналистон ва саҳмгузор дар рушди ҷомеаи шаҳрвандӣ мақоми шоиста касб кард ва қатъи фаъолияти он бо айби муассис барои созмони бонуфузе чун Иттифоқи журналистони Русия лоиқи таҳсин нест.
Роҳбарони медиа-созмонҳои Тоҷикистон изҳори умедворӣ намудаанд, ки Иттифоқи журналистони Русия роҳу воситаҳои пурсамари раҳоӣ аз вазъи мавҷударо дарёфта, ба фаъолияти мӯътадили Маркази журналистикаи экстремалӣ мусоидат хоҳад кард.
Бино ба маълумоти ВАО-и Русия, Маркази журналисткаи экстремалӣ бинобар сабаби ихтилофоти пайдошуда бо Иттифоқи журналистон Русия фаъолияти худро қатъ сохт. Татбиқи лоиҳаҳои маркази мазкур қатъ гардида, суратҳисобҳои бонкӣ баста ва директори марказ бо санаи қаблӣ дар фармон аз кор озод шудааст. Кормандони марказ хоҳиши тарки созмонро кардаанд. Дар Иттифоқи журналистони Русия гуфтаанд, норозигӣ ба фаъолияти марказ ба кори ғайриқаноатбахши кормандони кунунии он марбут будааст.
Як “эстакада”-и Душанбе бо беш аз 28 млн евро қарзи БАТР сохта мешавад
Дар робита ба таҷлили Иди ғалаба ва Рӯзи ваҳдати миллӣ реҷаи корӣ тағйир меёбад
20 сол чашминтизори шавҳари муҳоҷир. Чаро Марҳаборо “Зани оҳанӣ” мегӯянд?
Ифтитоҳи парвандаи ҷиноятӣ бар зидди як мансабдори ҳукумати Исфара
Даҳбеди Самарқанд: Аз пайравии нақшбандия то се мавҷи муҳоҷират
Эмомалӣ Раҳмон: “Аз ҳамкорӣ бо БАТР умедвориҳои калон дорем”
“Русия бояд уҳдадориҳояшро иҷро кунад!”. Як созмони ҷаҳонӣ ва ҳуқуқшиносони тоҷик шиканҷаи гумонбарони “Крокус”-ро маҳкум карданд
Нигаронии ҷиддӣ аз нақзи ҳуқуқ ва озодиҳои тоҷикон. Тоҷикистон ба сафири Русия нотаи эътирозӣ супорид
Бонки исломии рушд барои сохтмони НБО Роғун 150 миллион доллар ҷудо кард
Дар Тоҷикистон 25 собиқадори Ҷанги Бузурги Ватанӣ боқӣ мондаанд
Кулли ахбор
Авторизуйтесь, пожалуйста