Дар ин моҳ мардуми Амрико 20 - солагии Қонуни ҳимоят аз озодиро, ки давлатҳои собиқ Иттиҳоди Шуравиро дастгирӣ менамояд, қайд мекунанд.
Тавре аз сафорати ИМА дар Точикистон хабар доданд, аз соли 1992 то инҷониб ҳукумати Иёлоти Муттаҳидаи Амрико ба Тоҷикистон ба миқдори бештар аз 984 миллион доллар барои рушд кӯмак намудааст.
Дар давоми бист соли ҳамкориҳои ҳукумати Иёлоти Муттаҳидаи Амрико ва ҳукумати Тоҷикистон, мо аз қобилият ва малакаи мардуми ин кишвар мутаассир гаштаем. Мехостем дар бораи сахткӯшӣ ва таҷриба, ки ҳангоми ҳамкории муштарак аз шариконамон омӯхтем чанд сухан гӯем. Якчанд ривоятро, ки ба мо илҳоми тоза бахшиданд, пешкаши шумо мегардонем.
Дилафруз Субҳонқулова аз ҷониби Оҷонсии Иёлоти Муттаҳида оид ба рушди байналмиллалӣ (USAID) дар ҷодаи сохтмони гармхона, мурғпарварӣ, консервакунонии сабзавот ва меваҷот, ва роҳҳои ҷамъоварию нигаҳдории тухмиҳои сабзавот омӯзонида шудааст. Вай дониш ва малакаи аз худ кардаашро ба 36 нафар зани дигари қишлоқи Кашоти ноҳияи Ҷиргатол таълим додааст. “ Ҳар як аъзои гурӯҳ, аз он ҷумла худи ман, аз маҳсулоти фурӯхташудаи гармхона, дар як моҳ маблағи 228-342 долларро ба даст овардаем. Дар давоми панҷ соли оянда қариб 201,000 хоҷагиҳои хурди деҳқонӣ тавассути барномаи USAID “Озуқаворӣ ба хотири оянда” ҷиҳати коҳиш додани сатҳи камбизоатӣ ва норасоии ғизо, кӯмак хоҳанд гирифт.
Ҳоҷӣ Мирзо Исмоилов шарики лоиҳаи USAID оид ба рушди соҳаи кишоварзӣ даромади деҳқононро тавассути истифодаи таҷрибаҳои намунавӣ зиёд менамояд. Ӯ умед дорад, ки 20 тон ҳосили помидорро ба даст оварда, онро нисбати ҳосили тариқи дигар роҳҳо парваришшуда 50 % зиёдтар аз нархи аввала ба фурӯш барорад. Ҳангоми вохӯрии хеш бо намояндагони мақомоти маҳаллӣ ӯ қайд кард: “ Ҳамкорӣ бо USAID бароям имконияти хуб дод, зеро дар рушди соҳаи кишоварзии Тоҷикистон ҳадафҳои муштарак дорем.”
Роҳи дигареро, ки барои густариши сулҳу суботи минтақавӣ якҷоя истифода мебарем, ин рушди иқтисодӣ ва савдо мебошад. USAID ба бастани шартномаҳои тиҷоратӣ ба маблағи 2.5 миллион доллар бо ширкатҳои тоҷик мусоидат намуд. Дар ҳоле, ки USAID нисбати мустаҳкам намудани системаҳои маблағгузории хурд таваҷҷӯҳ пайдо намуд, бонкҳои ҳамкор бастаи қоғазҳои арзишии худро чор баробар ба миқдори 7.1 миллион доллар зиёд намуданд. Ҳукумати Иёлоти Муттаҳидаи Амрико бо донорҳои ҳамкори худ ва Хадамоти гумрукии Тоҷикистон ҷиҳати татбиқ намудани системаи ягонаи автоматикии ахборотӣ ҳамкорӣ намуд. Истифодаи системаи электронӣ вақти барасмиятдарории эъломияи гумрукиро аз се соат то ба се дақиқа кам намуд. Дар ҳафт моҳи аввал сатҳи қабули эъломияҳое, ки тариқи системаи автоматикӣ омода гардидаанд, аз 1 то 99 фоиз афзуд.
Беҳамиятӣ ё ноогоҳӣ? Дар атласи ҷуғрофии кӯдакона номи Тоҷикистон нест
“Сомон-Эйр” парвозҳоро бо хатсайри Душанбе-Мюнхен зиёд мекунад
“Наҷотдиҳандагон дер омаданд”. Шикояти наздикони падару писари дар “канализатсия”-и Бохтар фавтида ба додситонӣ
Сабтиноми номзадҳо ба охир расид. 80 нафар ҳамчун довталаби курсии президентӣ дар Эрон номнавис шуданд
Даҳҳо миллион сомонӣ: аз офатҳои табиии моҳи май Тоҷикистон чӣ қадар осеб дид?
Қазоқистон “Толибон”-ро аз рӯйхати террористон баровард. Шарҳи Қосимҷомарт Тоқаев
Рустами Эмомалӣ ба тақвияти мубориза бо терроризм даъват кард
Куштори пурасрори 6 нафар, аз ҷумла 2 ноболиғ дар Конибодом
Дар “Россотрудничество”-и Тоҷикистон роҳбари нав таъин шуд
КҲФ аз омадани сел ва обуҳавои номусоид огоҳ мекунад
Кулли ахбор
Авторизуйтесь, пожалуйста