Бо ташаббуси Ташкилоти ҷамъиятии минтақавии вилояти Челябински Русия Маркази фарҳангию миллии точикон «Сомониён» дар Хонаи Дӯстии миллатҳои шаҳри Челябинск ба муносибати ҷашни байналмиллалии Наврӯзи хуҷастапай чорабинии бошукӯҳ баргузор гардид.
Тавре аз намояндагии Хадамоти муҳоҷирати ҶТ дар Русия хабар доданд, дар қисмати расмии чорабинӣ иштирокдоронро муовини губернатори вилояти Челябинск Игор Мурог, муовини вазири фарҳанги вилоят Наталия Диская, корманди Намояндагии Хадамоти муҳоҷирати назди ҲҶТ дар ФР Шоҳназар Таваров, консули фахрии Тоҷикистон Парвиз Асоев ва роҳбарони диаспораҳои муқими вилоят табрик намуда, баргузории ҷашни Наврӯзро дар самти таҳкими дӯстии халқҳо ва равобити фарҳангии миёни қавму миллатҳо муҳим арзёбӣ карданд.
Таъкид шуд, ки Наврӯз ҷашнест, ки ҷавҳари онро ҳаёту покӣ, муҳаббату садоқат, ваҳдату бахшояндагӣ ва некиву равшанӣ ташкил дода, суннатҳои наврӯзӣ ифодагари ҳамоҳангии байни инсон, табиат ва кайҳон маҳсуб мешаванд. Дар масири таърихи инсоният ва муборизаҳои тезутунди геополитикиву фарҳангӣ фақат арзишҳое қобилияти зиндамонӣ доранд, ки воқеан дорои ҷавҳари аслӣ буда, ваҳдати инсоният ва муҳити атрофро таъмин карда тавонанд.
Дар чорабинӣ ҳамчунин намоиши дастовардҳои санъати мардумӣ, асбобҳои халқии тоҷикон, қирғизҳо, тоторҳо, бошқирҳо, озарҳо ӯзбекҳо ва дигар қавму миллатҳои маскуни вилоят баргузор шуд. Барномаи ҷолиби консертӣ бо иштироки дастаҳои ҳунарӣ ба ҳусни ҷашнвора шукӯҳи тоза бахшид.
Дар “Россотрудничество”-и Тоҷикистон роҳбари нав таъин шуд
КҲФ аз омадани сел ва обуҳавои номусоид огоҳ мекунад
“Мансаби падар набояд пуштибони писар шавад!”. Дар латукӯби омӯзгорон дар мактабҳо кӣ гунаҳкор аст?
Рустами Эмомалӣ дар ҷаласаи Ассамблеяи парлумонии СААД дар Алмато иштирок мекунад
Дастаи Умарбоев ба Лигаи конфронс роҳ ёфта, Ханонов боз қаҳрамони Эрон шуд
Ҳамлаи малах. Кишоварзон дар ҷануби Тоҷикистон нигаронӣ доранд
Теъдоди муҳоҷироне, ки имтиҳони забони русиро супорида натавонистанд, 10 баробар афзуд
Волидони духтарони яке аз мактабҳои Душанбе барои муноқиша ҷарима мешаванд
Ҳамгироии собиқ террористону экстремистон бо ҷомеа. Дар Тоҷикистон мехоҳанд барномаи махсус қабул кунанд
Парвандаи амали террористӣ дар “Крокус”: 1700 нафар ҷабрдида эътироф шуданд
Кулли ахбор
Авторизуйтесь, пожалуйста