Зимни баррасии тағийроту илова ба Қонуни ҶТ «Дар бораи таъмини амнияти санитарӣ ва эпидемиологии аҳолӣ» дар ҷаласаи имрӯзаи МНМО ҶТ вакили парлумон Суҳроб Шарифов аз роҳбарони хадамоти давлатии санитариву эпидемиологии Тоҷикистон даъват кард, ки мутахассисони ҳирфаиро ба кор қабул намоянд.
«Ахиран дар бораи вазъи санитариву эпидемиологӣ дар Тоҷикистон, маҳсулоти хӯроквории истеҳсоли кишвар ва қатораҳои ҷумҳурӣ сиёсатмадорон ва Хадамоти санитарии Русия иҳороти зиёди манфӣ иброз медоранд, вале хадамоти санитарии Тоҷикистон ва роҳбарони он хомӯш буда, умуман ба ҳеҷ гунае ба ин изҳорот вокуниш нишон намедиҳанд», - гуфт ӯ.
Ба андешаи вакили номбурда, мутахассисони босаводу ҳирфаӣ метавонистанд ба ҳамтоҳои русиягии худ дар ин маврид посухи саривақтӣ диҳанд.
Раиси МНМО ҶТ Шукурҷон Зуҳуров дар ин робита зикр намуд, ки Хадамоти санитарӣ дар нақлиёт, аз ҷумла роҳи оҳан ва фурудгоҳҳо бояд фаъолияти густарда дошта бошад. Ба андешаи ӯ, ҳамчунин тақвияти назорат аз болои воридоти маҳсулоти ғизойӣ низ зарур аст.
Зимни шарҳи моҳияти тағйироту илова ба Қонуни ҶТ «Дар бораи таъмини амнияти санитарӣ ва эпидемиологии аҳолӣ» вакил Маҳмадамин Ҳисориев зикр кард, ки тағйирот ба таъин ва аз кор озод кардани сартабибони Хадамоти санитарии шаҳру навоҳии ВМКБ, шаҳри Душанбе ва ноҳияҳои тобеи марказ дахл дорад.
Ба гуфтаи ӯ, тибқи тағйироти нав, акнун ҳуқуқи таъину аз кор озод намудани сартабибони Хадамоти санитариву шаҳру навоҳӣ ба мақомоти маҳаллии ҳокимияти давлатӣ дода мешавад. «Аз ин ҳуқуқ қаблан Хадамоти ҷумҳуриявии санитариву эпидемиологӣ бархӯрдор буд», - таъкид дошт Ҳисориев.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста
ИБОД29 май, 2013 22:55
Мухтарам Суҳроб Шарифов аз роҳбари хадамоти давлатии санитариву эпидемиологии Тоҷикистон сар карда бояд аз кор озод карда шавад.Умуман хадамот кариб аз байн рафтааст факат номаш мондаасту халос.Имруз дар назди бозори Султони Кабир шохиди он шудам ки дар рохгузар бочкахои шарбатфуруши дахонашон кушода дар дохилашон назар кардам кутихои пластики пур аз ях дохили шарбат барои хунукуни гузошта шудааст(Оё он кутихо аз партовгохо гирифта шудааст ё дигар чой инро фахат Худо медонад).Дигар ин ки Хамон бочкахо занголуд, гирду атроф ифлос.Барои шустани стаканхои шарбатгири шароит надоранд.....дигар хочат ба дигар шароитхо сухан кардан нест.Умуман ин сохторро аз рохбаронаш сар карда ба мутахасисони кордону босавод иваз кардан лозим аст.Ягонбор дидае ки рохбари хадамоти санитари дар шабакахои телевизиони сухан карда бошад.Бовари дорам сухан кадаам наметавонад.