Аввали соли равон дар ду шаҳри Тоҷикистон - Душанбе ва Хуҷанд назарпурсии иҷтимоиву иқтисодӣ доир гардид. Ин таҳқиқот аз ҷониби созмони мустақили ғайриҳукуматии машғул ба пайгирӣ (мониторинг)-и афкори ҷамъиятӣ дар Осиёи Марказӣ - «Барометри Осиёи Марказӣ» бо дастгирии агентии маҳаллии таҳқиқотии «M-Vector Tajikistan» гузаронида шуд. Дар назарпурсӣ 1300 нафари синни аз 18-сола ва болотар аз он иштирок карданд.
Вазъи иқтисодӣ дар кишвар
70% пурсидашудагон бар ин назаранд, ки иқтисоди кишвар дар вазъи хуб қарор дорад. Соли гузашта сатҳи посухҳои мусбат нисбати ин масъала афзудааст. Зимни назарпурсии ба ин монанди ахири соли 2013 доиргардида 53% ба ин пурсиш ҷавоби мусбат дода буданд. Аксари пурсидашудагон интизорӣ доранд, ки соли ҷорӣ (2015) вазъи иқтисодӣ дар кишвар беҳтар мегардад. Танҳо 4%-и пурсидашудагон нисбати ин масъала хушбин нестанд.
Некӯаҳволии мардум
Ба ҷуз вазъи умумии иқтисодӣ дар кишвар, пурсидашудагон ҳамчунин сатҳи некӯаҳволии оилаи худро низ арзёбӣ намуданд. 72%-и пурсидашудагон қайд карданд, ки соли гузашта вазъи иқтисодии онҳо беҳтар шудааст. Ҳиссаи посухҳои мусбат нисбат ба Хуҷанд дар Душанбе бештар аст (мутаносибан 77 ва 60%).
Муносибат ба Тоҷикистон
Мардум ба кишвари худ чӣ гуна муносибат доранд? Натиҷаҳо гувоҳи онанд, ки муносибати ҳозираи аҳолӣ ба кишвари худ хеле баланд аст. 90%-и пурсидашудагон зикр карданд, ки аз зиндагӣ дар Тоҷикистон ифтихор доранд.
Муносибат ба муҳоҷират
Таҳқиқот нишон дод, ки аксари аҳолӣ (76%) аз ҳаёт дар Тоҷикистон қаноатманд буда, хоҳиши тарк кардани Тоҷикистонро надоранд. Боз 12% ният доранд, ки Тоҷикистонро тарк намоянд. Сабабҳои асосӣ - кор, истироҳат, муҳоҷират номбар шуданд. Шумори хоҳишмандони тарк кардани кишвар нисбат ба Хуҷанд дар Душанбе бештар аст (15 ва 4%). Хоҳиши тарк кардани кишвар аксаран ба ҷавонони синни аз 18 то 24-сола хос аст (15% дар ин гурӯҳи синнусолӣ).
Шаби эҷодии Ҳошим Гадо дар Душанбе бидуни ҳузури худаш гузашт
Нархи сӯзишвории дизелӣ дар Осиёи Марказӣ ва кишварҳои собиқи Иттиҳоди Шӯравӣ
Вазири корҳои хориҷии Чин ба Тоҷикистон меояд
Тамдиди муҳлати ҳабси чаҳор гумонбари асосии ҳамлаи террористӣ ба “Крокус”
Рӯзҳои истироҳат дар Тоҷикистон боришоти пуршиддат дар назар аст
Ҳисоббаробариҳои Тоҷикистону Русия бо рубл ба 80% расиданд
Муҳлати таътили мактабхонҳо дар Тоҷикистон кам карда шуд
Дар Панҷакент кӯшки асрҳои VI-VIII кашф шуд
Эмомалӣ Раҳмон прокурорҳои генералии кишварҳои узви СҲИ-ро ба ҳузур пазируфт
Навраси 13-сола дар дарёи Хонақоҳи Ҳисор ғарқ шуд
Кулли ахбор
Авторизуйтесь, пожалуйста