Ҷасади ба дор овезони Ғиёсиддин Аюбзодаро шаби 4 ба 5-уми октябр аз ҷойи кораш ёфтанд. Ӯ хазинабони филиали “Амонатбонк” дар деҳаи Ревади ҷамоати Урметани ноҳияи Айнӣ буд.
Мақомот то ҳол расман дар ин бора чизе нагуфтаанд, аммо наздиконаш мегӯянд, марги ин ҷавони 27-сола ба баҳси оилавӣ рабте надорад, онҳо ангушти ишора ба баҳси пулӣ мекунанд.
Аюбиддин Хуҷов, падари Ғиёсиддин дар суҳбат ба “Азия-Плюс” гуфт, ки писараш пеш аз марг як номаи чорсаҳифагӣ гузоштааст. Хуҷов ҷузъиёти номаро ифшо накард, вале ишора кард, ки “касони гунаҳкор дар марги писараш аз рӯйи қонун ҷазо мебинанд”.
“Дар нома ба маънои қарзи маблағ ҳам чанд ҷумла зикр кардааст. Аммо ин ба ман рӯшан нест, ки кадом қарз. Қаблан ҳамдеҳагон аз кори писарам боре ҳам шикоят накарда буданд. Ӯ маблағро худаш ба деҳа меовард, ҳамаи бадбахтӣ аз ҳамин сар зад”- гуфт падари Ғиёсидин.
Аммо Алиқул Қодиров, раиси ҷамоати Урметани ноҳияи Айнӣ ба “Азия-Плюс” гуфт, додситони ноҳия тафтишотро оғоз кардааст.
“Ӯ бо мардум муносибати хуби корӣ дошт. Атрофи мушкилоташ боре ҳам сухан накарда буд. Аз мушкили дигараш мо хабар надорем, худаш медонад. Музди меҳнат, нафақаро ҳар моҳ сари вақт тақсим мекард, ҳеҷ мушкил набуд”, - таъкид кард раиси ҷамоат.
Қутбиддин Мерганов, мудири намояндагии "Амонатбонк" дар ноҳияи Айнӣ мегӯяд, марги корманди зери дасташ ба муносибати корияш рабте надорад. Ӯ овозаҳоро атрофи он, ки гӯё бо роҳбарияти бонк нофаҳмӣ дошт, беасос хонд. Мудири бонк низ номаро хондааст ва мегӯяд, инҷо гап сари 150 ҳазор сомонӣ меравад.
“Ман номаро хондам, дар он шикоят аз кормандони бонк нест. Дар ин нома гуфта шудааст, ки аз як одам 150 ҳазор сомонӣ бо фоиз пул гирифтааст. Он рӯз он нафарон пуле, ки барои нафақа буд, аз ӯ гирифтаанд ва ҳоло қисме аз он маблағ боқӣ мондааст. Ин зиёнро бояд он одамоне, ки маблағро аз ӯ гирифтаанд, барқарор кунанд”, - гуфт Мерганов.
Ғиёсиддин Аюбзода 27 сол дошт ва соҳиби 3 фарзанд - як писар ва ду духтар буд. Ӯ ягона писар дар хонавода буд ва падару модараш омӯзгори мактаби рақами 10 дар деҳаи Ревад мебошанд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Боз 47 зану кӯдаки тоҷикро аз Сурия ба Тоҷикистон баргардониданд
“Акнун ба Чин меравам”. Ҷорӣ шудани низоми раводид бо Туркия ба тоҷирони тоҷик чӣ таъсир дорад?
Арзиши роҳкиро дар кишварҳои Осиёи Марказӣ чӣ қадар аст?
Валентина Матвиенко: “Роҳбарияти Русия нақшаи шадид кардани қонунгузорӣ нисбати муҳоҷиронро надорад”.
Навору хабар фиристед. ВКД аз шаҳрвандон хост, барои пешгирӣ ва ошкор кардани ҷинояту ҷинояткорон ҳамкорӣ кунанд
“АСАН хидмат” - Инноватсия дар соҳаи таъмини хизматрасонии давлатӣ
“Системаи вайрон” ё таъсири терракт дар “Крокус”? Муҳоҷирони тоҷикро намегузоранд аз Қазоқистон вориди Русия шаванд
Тоҷикистон содироти металл ва сангҳои қиматбаҳоро 1251 баробар зиёд кард
“Боиси нигаронӣ нест!” Кумитаи рушди сайёҳӣ хатари бемории “тоун”-ро дар Саратоғ расман шарҳ дод
Имзои шартномаҳо байни соҳибкорони Тоҷикистону Италия ба маблағи зиёда аз 160 млн доллар
Кулли ахбор
Авторизуйтесь, пожалуйста