Дар минтақаҳои Тоҷикистон қатъи сартосарии интиқоли неруи барқ оғоз ёфт. Дар ин бора сокинони як қатор шаҳру навоҳӣ, аз ҷумла Турсунзода, Кӯшониён, Рӯдакӣ, Восеъ, Ҳамадонӣ ва ғайра хабар медиҳанд.

Интиқоли барқ рӯзона – аз соати 8-и субҳ то соати 17 ё 18-и бегоҳ қатъ мешавад.

Дар бораи ҷорӣ кардани реҷаи маҳдуди истифодаи барқ ё худ лимит чизе гуфта намешавад. Дар ШСХК “Барқи тоҷик” баъзан қатъ шудани интиқоли барқро ба баргузории корҳои нақшавии таъмиру навсозӣ барои омода кардани хатҳои интиқоли барқ ва зеристгоҳҳои иқтидорашон гуногун ба мавсими зимистон вобаста медонанд. Дар ин бора ба “Азия-Плюс” сухангӯи ширкат Нозирҷон Ёдгорӣ хабар дод.

Дар робита ба қатъи интиқоли барқ талабот ба шамъ зиёд шуд
Сурат: Asia-Plus

Кормандони хадамоти маҳаллии масъули барқ низ чунин суханҳо гуфта, итминон медиҳанд, ки ин муваққатӣ аст.

Дар ҳамин ҳол, раиси пойтахт Рустами Эмомалӣ ҳанӯз моҳи май ба омодагирӣ ба мавсими зимистон ишора карда буд.

Соли гузашта низ дар мавсими тирамоҳ дар минтақаҳо интиқоли барқ қатъ гарида, он замон ҳам сабаби онро ба баргузории корҳои нақшавии таъмиру навсозӣ ҷиҳати омодагӣ ба мавсими зимистон нисбат медоданд. Бо кадом сабабе ин корҳо на дар фасли тобистон, балки маҳз дар тирамоҳ гузаронида мешаванд.

Дар кӯдакистони тобеъи ТАЛКО дар Турсунзода дарахтони хушкро мебуранд, то ки ба кӯдакон хӯрок пазанд. Лекин ин ҷо дар бораи маҳдудият сухан намеравад, интиқоли барқ барои пардохт нашудани маблағи истифодаи он қатъ шудааст.
Сурат: Asia-Plus

...  Ахиран реҷаи маҳдуди истифодаи барқ дар Тоҷикистон 6 январи соли 2021 ҷорӣ шуда буд. Он дар деҳот, ки он ҷо хонаҳои истиқоматии баландошёна нестанд, ҷорӣ гардид.

Имрӯзҳо, ки метавон гуфт рӯзона қариб барқ нест, сокинони кишвар боз ҳам маҷбуранд, ки бо ҳезум ё таппак хӯрок пазанд.

1/2

Вобаста ба қатъи интиқоли барқ, талабот ба шамъу ангишт, ҳезум ва гӯгирд дар бозорҳо зиёд шуд. Ҳол нархи онҳо боло нарафатаааст, лекин норасоии ин маҳсулот эҳсос мешавад.

Аҳолии деҳот ҳезум захира мекунад, барои харидани ангишт пул нест
Сурат: Asia-Plus

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.