Муовини аввали вазири маориф ва илми Тоҷикистон Ҷамшед Ҷӯразода рӯзи 28 феврал дар Душанбе зимни вохӯрӣ бо намояндаи ЮНЕСКО дар соҳаи муҳоҷират, ҳолатҳои фавқулода ва маориф Хода Ҷаберли масъалаи фарогирии гурезаҳои афғонро бо таҳсил дар кишвар баррасӣ кард. Дар ин бора котиби матбуотии Вазорати маориф Эҳсони Хушбахт дар саҳифаи худ дар Facebook хабар медиҳад.
Гуфта мешавад, Ҷӯразода бо қаноатмандӣ изҳор дошт, ки роҳбарияти Вазорат аз дастгирии ҳамешагии ЮНЕСКО дар амалӣ намудани барнома ва лоиҳаҳои рушди маорифи кишвар сипосгузор буда, минбаъд низ ҷиҳати рушди ҳамкориҳо чораҳои дахлдорро роҳандозӣ менамояд.
Дар ин замина яке аз масъалаҳое, ки дар қатори дигар масъалаҳои баррасишаванда мавриди таваҷҷуҳи иштирокдорон қарор гирифт, ҷалби гурезагони афғон ба таҳсил мебошад.
Таъкид шуд, ки бо вуҷуди мушкилоти ҷойдошта Вазорат дар доираи ваколатҳои ба зиммадошта ҷиҳати ба таҳсил фаро гирифтани шаҳрвандони Афғонистон дар тамоми зинаҳои таҳсилот тадбирҳои судмандро андешида истодааст.
Ба иттилои манбаъ, намояндаи ЮНЕСКО Хода Ҷаберли дар навбати худ аз корҳои анҷомдодаи Вазорат дар самти фарогирии шаҳрвандони Афғонистон изҳори қаноатмандӣ намуда, ҳамзамон, зикр кард, ки дар ҳолатҳои зарурӣ Дафтари ЮНЕСКО омода аст кӯмаки техникии худро расонад.
Тибқи маълумоти Раёсати Комиссари олии СММ оид ба умури гурезагон, то охири соли 2020 дар қаламрави Тоҷикистон 6,5 ҳазор гурезаҳо ва шахсони ҷӯяндаи паноҳгоҳ аз Афғонистон ба қайд гирифта шуда буданд. Аз моҳи январ то августи соли 2021, то замони қатъи парвозои байнулмилалӣ бо Афғонистон шумори гурезаҳо 2 баробар афзуда, ҳудуди 14 ҳазор нафарро ташкил дод.
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Дар Telegram, Facebook, Instagram, OK ва ВК бо мо бимонед.
Лутфан, хабари муҳим, суол ва аксу видеоҳои ҷолибро ба Asia-Plus тавассути Viber, Telegram, Whatsapp, Imo ба рақами +992 93 792 42 45 фиристед.
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Такрори бӯҳрон? Ихтилофи навбатӣ дар сафи Ҳизби демократи Тоҷикистон
Аз ятимӣ то Ватансозӣ: рӯзгори сарсупурдае, ки аз ҷанг ба сиёсат расид
Рӯзи ғалаба муборак, Тоҷикистон!
Вазъи омӯзгори дар муноқишаи ахири сарҳадӣ захмбардошта муътадил арзёбӣ мешавад
Эмомалӣ Раҳмон баъди гулчамбаргузорӣ дар “Боғи Ғалаба”-и Душанбе ба Русия рафт
“Ворисони шашмақом” - муаррифи санъати мусиқии Шашмақом ва мақомсароёни тоҷик
Боздиди гурӯҳе аз вакилони парлумони Олмон аз Тоҷикистон
Даромад ба воситаи ҳалли мушкилоти иҷтимоӣ. Чӣ гуна Меҳринисо дар ташкилоти “Шодком” пул кор карданро омӯхт?
Размикорони тоҷик дар UFC: мақоми Алиев, Наимов, Раҷабов ва Ғафуров дар радабандӣ
Кулли ахбор
Авторизуйтесь, пожалуйста