1200 ҷавони тоҷик бо пардохти 32 млн. 256 ҳазор сомонӣ ба хидмати ҳарбии пулакӣ оғоз карданд. Дар ин бора Фариддун Маҳмадализода, сухангӯи Вазорати мудофиа ба “Азия-Плюс” хабар дод.
Ӯ гуфт, ҳар як ҷавон бо пардохти 420 нишондиҳанда барои ҳисобҳо, ки баробар ба 26 ҳазору 880 сомонӣ аст (як нишондиҳанда 64 сомонӣ), хидмати сарбозиро адо мекунанд.
Ба қавли номбурда, хидмати сарбозон 17 август оғоз гардида, дар 4 пойгоҳи ҳарбии таълимӣ як моҳ идома хоҳад кард. Онҳо хидмати ҳарбии пулакиро дар доираи даъвати баҳорӣ адо менамоянд.
“Хидмати онҳо дар марказҳои ҳарбии таълимии “Лоҳур” ва “Тоҷмаҳал”-и шаҳри Душанбе, пойгоҳи маркази таълимӣ-ҳарбии “Фахробод”-и вилояти Хатлон ва пойгоҳи таълимӣ – ҳарбии филиали Донишкадаи ҳарбии Вазорати мудофиа дар вилояти Суғд идома дорад”, - гуфт Фаридун Маҳмадализода.
Тибқи муқарароти қонуни нав, ҷавонон барои адои ин навъи хидмат ба комиссариатҳои ҳарбии маҳалли зист муроҷиат намуда, баъди пардохти маблағ дар БДА “Амонатбонк” ба омӯзиш ҷалб мегардад.
Маҳмадализода афзуд, маблағи пардохтгардида барои бунёди қисмҳои ҳарбии алоҳида дар ҳудуди гарнизонҳои ҷумҳурӣ, ташкили пойгоҳҳои моддӣ-техникӣ, сохтмони бинову иншооти аҳамияти ҳарбидошта, таъмиру тармими онҳо, пардохти маоши афсарону кормандони таълимдиҳанда, хароҷоти маъмурӣ ва таъмини ҳифзи иҷтимоии дигар хизматчиёни ҳарбӣ равона мегардад.
Гуфта мешавад, ки танҳо дар ду ҳолат маблағи пардохтнамудаи даъватшавнада баргардонида мешавад: дар ҳолати ғайри қобили хизмати ҳарбӣ дониста шудан ва фавт ҳангоми адои хизмати ҳарбӣ.
Қаблан Ҷовид Пирзода, ҳуқуқшиноси Вазорати мудофиа гуфта буд, ки қабули шаҳрвандон барои адои хизмати ҳарбии пулакӣ дар доираи квотаи муқарраргардида амалӣ мешавад ва дар сурати аз доираи квота бештар муроҷиат кардани аҳолӣ онҳо метавонанд, ки дар даъвати минбаъда ба хизмати ҳарбии пулакӣ ҷалб шаванд.
Ёдовар мешавем, ки рӯзи 20 январи соли 2021 парлумони Тоҷикистон қонун “Дар бораи уҳдадории ҳарбӣ ва хидмати ҳарбӣ”-ро дар таҳрири нав қабул кард, ки тибқи он минбаъд шаҳрвандони синну соли даъватӣ метавонанд, бо супоридани маблағи муайян ва адо кардани хидмати якмоҳаи ҳарбӣ ба сафи эҳтиётии Қувваҳои Мусаллаҳи Тоҷикистон шомил гарданд.
Баъди баҳсу баррасии зиёд, моҳи августи соли 2020 ҳукумати кишвар арзиши маблағи пардохт барои хидмати алтернативӣ (ҷойгузин) дар артиши кишварро муқаррар намуд. Ин маблағ ба 420 нишондиҳанда барои ҳисоб баробар аст.
Ҳамин тариқ, бори аввал, моҳи январи соли равон 450 ҷавон бо пардохти беш аз 11,3 млн сомонӣ хидмати сарбозии пулакиро адо карда, соҳиби билетӣ ҳарбӣ шуда буданд.
Расман: Калонтарин масҷиди Тоҷикистон ифтитоҳ шуд
Зардолуи Ашт ба Эрону Дубай ва Арабистони Саудӣ фурӯхта мешавад
“Ҷинояти ҷангӣ”. Авфи байнулмилал Толибонро ба муҷозоти оммавии сокинони Панҷшер гунаҳкор кард
Дар Тоҷикистон ҳудуди 400 ҳазор тонна ҳосили сабзавоту полезиҳо ҷамъоварӣ шуд
Амири Қатар вориди Душанбе шуд
Об - яке аз омилҳои муноқишаи марзӣ. Чаро созишномаҳои басташуда мушкили тақсимоти обро ҳал намекунанд?
Дар Панҷакент боз як ёдгории таърихӣ кашф гардид
Имрӯз калонтарин масҷиди Тоҷикистон ифтитоҳ мешавад. Ҳаракат дар роҳҳои пойтахт маҳдуд мегардад
Баъди қазияи латукӯби сарбозон, Додситонии кулл назорат бар меҳтарсолорӣ дар қисмҳои ҳарбиро пурзӯр кард
Арзиши футболбозони Тоҷикистон 1,45 млн евро боло рафт
Кулли ахбор
Авторизуйтесь, пожалуйста