Дар Тоҷикистон аз 10 январ сармои шадид оғоз мешавад. Дар баъзе ноҳияҳо ҳарорат шабона то 17 ва рӯзона то 8 дараҷа хунук мешавад, хабар доданд ба “Азия-Плюс” аз Агентии обуҳавошиносии ҷумҳурӣ.
Ҳарорат шабона баъзан 12-17 ва рӯзона 2-7 дараҷа хунук шуда, рӯзҳои 10-11 январ дар саросари кишвар борон ва барфи тар меборад.
Дар ин рӯзҳо дар Душанбе борон ва барф меборад. Суръати шамол 4-8 м/с. Рӯзи 10 январ ҳарорати шабона 1-3 дараҷа ва рӯзона 2-4 дараҷа гарм, рӯзи 11 январ шабона аз 1-3 дараҷа хунук ва рӯзона 1-3 дараҷа гарм дар назар аст.
Дар Ноҳияҳои тобеи марказ низ обуҳаво ба мисли пойтахт дар назар буда, 1 ё дараҷа фарқият дорад. Лекин дар ноҳияҳои ҷудогонаи кӯҳӣ хунуктар - рӯзона -3+2 ва дар баъзе ноҳияҳо то 5-10 дараҷа хунук мешавад. Рӯзи 11 январ ҳарорат то 12 дараҷа хунук мешавад.
Дар вилояти Суғд низ ҳамин гуна обуҳаво пешбинӣ гардида, лекин дар ноҳияҳои ҷудогонаи кӯҳӣ ҳарорат шабона аз -7 то -12 ва рӯзона аз 3 дараҷа хунук то 2 дараҷа гарм мешавад.
Дар минтақаи ҷануби ҷумҳурӣ ҳарорат шабона аз 2 то 5 дараҷа хунук ва рӯзона то 2 дараҷа хунук пешбинӣ шудааст.
Ҳарорат аз ҳама зиёдтар дар ВМКБ поин меравад: дар баъе ноҳияҳо ҳарорат шабона аз 12 то 17 дараҷа (дар баъзе ҷойҳо то 25 дараҷа) хунук, рӯзона аз 2 то 7 дараҷа (дар баъзе ноҳияҳо то 13 дараҷа) хунук пешгӯӣ мешавад.
Обҳаво моҳи январ чӣ гуна мешавад?
Тибқи пешгӯии обуҳавошиносон, моҳи январи соли 2023 дар қисми зиёди ҳудуди ҷумҳурӣ ҳарорати миёнаи моҳонаи ҳаво дар ҳудуди меъёри иқлимӣ, дар баъзе ноҳияҳо аз меъёри иқлимӣ то 1-2º баландтар (эҳтимолият 50-65%) дар назар дошта шудаааст.
Нисбат ба соли гузашта моҳи январи имсол 1-2º хунуктар дар назар дошта шудааст (соли 2022 дар қисми зиёди ҷумҳурӣ ҳарорати миёнаи моҳонаи ҳаво аз меъёри муқараррӣ аз 2º то 4º гарм буд).
Миқдори боришоти моҳона дар ҳадди меъёр ва баъзан зиёдтар аз меъёри иқлимӣ, дар водиҳо 39-75 мм (дар ноҳияҳои ҷудогона 9-28 мм), дар доманакӯҳҳо - 34-102 мм, дар ноҳияҳои кӯҳӣ - 39-99 мм ва дар ноҳияҳои баландкӯҳ - 2-6 мм дар назар аст.
Қобили зикр аст, ки дар кишварҳои ҳамсояи Ӯзбекистону Қирғизистон низ ҳаво хунук мешавад. Рӯзҳои 10-11 январ дар Ӯзбекистон борону барф борида, ҳарорат шабона 12-17 ва рӯзона - 5-8 дараҷа хунук мешавад. Дар Қирғизистон низ борону барф борида, ҳарорат шабона то 17 дараҷа ва рӯзона то 8 дараҷа хунук мешавад.
Ҳасрати зан ё шуҳрат? Ҳарзасароӣ дар шоу-бизнеси тоҷик
Корҳои эҷодии суратгир аз Тоҷикистон дар ҳамоиши расонаҳо дар Эрмитаж
Оилаи намунавии Тоҷикистон маълум шуд. Шоҳҷоизаро оилае аз шаҳри Истиқлол соҳиб гардид
Сергей Шойгу дигар вазири мудофиаи Русия нест. Путин ӯро дигарбора ба ин вазифа таъин накард
Ҳалокати ронанда ва 2 мусофир бар асари садамаи нақлиёт дар роҳи Хуҷанд-Конибодом
Ба собиқадорони Ҷанги Бузурги Ватанӣ дар кишварҳои Осиёи Марказӣ чӣ қадар кумакпулӣ пардохт гардид?
Ҷудокори тоҷик Темур Раҳимов дар Қазоқистон ҳам медали нуқра ба даст овард
Тоҷике, ки автобуси зери идорааш ба дарё сарозер шуд, барои нақзи қонунгузории муҳоҷирати Русия айбдор мешавад
Боз як роҳхати Тоҷикистон ба Бозиҳои олимпии соли 2024
“Хариду фурӯш”-и сарбоз? Дар Суғд оилаҳое, ки писарашон ба хидмати ҳарбӣ намеравад, маблағ ҷамъ мекунанд
Кулли ахбор
Авторизуйтесь, пожалуйста