Давоми моҳҳои январ-феврали соли 2023 нархҳо ба маҳсулоти хӯрокворӣ дар Тоҷикистон 1,3% боло рафтанд, хабар медиҳад Агентии омори ҷумҳурӣ.

Ин нишондиҳанда ба андозаи 0,3 банди фоизӣ зиёдтар нисбат ба ҳамин давраи соли 2022 аст.

Тӯли 2 моҳи аввали соли равон нархҳо нисбатан зиёдтар ба гурӯҳи молу маҳсулоти зерин боло рафтанд:


Тибқи маълумоти Агентӣ, дар 2 моҳи соли ҷорӣ нархҳо ба маҳсулоти ғайриозуқа ба андозаи 1,0% боло рафтанд, ки 0,5% зиёдтар нисбат ба ҳамин давраи соли гузашта мебошад.

Болоравии нархҳо ба маҳсулоти ғайриозуқа дар соли равон дар навбати аввал ба қиматшавии гурӯҳи зерини молу маҳсулот нисбат дода мешавад:


Дар моҳҳои январ-феврали соли ҷорӣ тарифҳо ба хидматрасонии пулакӣ ба аҳолӣ 0,1% боло рафтанд, асосан аз ҳисоби афзоиши нархи таъмир ва дӯхтани пойафзол (7,2%), билетҳои ҳавопаймоӣ (2,4%), таҳсил (0,4%), хидматрасонӣ дар тарабхона ва меҳмонхонаҳо (1,0%).

Ба сурати умум, тибқи маълумоти Агентии омор, моҳҳои январ-феврали соли 2023 мизони таваррум дар бозори истеъмолии кишвар 0,9%-ро ташкил дод, ки 0,2% зиёдтар нисбат ба ҳамин давраи соли 2022 аст.

Аз рӯи натиҷаҳои соли 2022 дар ҷумҳурӣ сатҳи рекордии пасти таваррум - 4,2% ба қайд гирифта шуд.

Нишондиҳандаи ҳадафноки таваррум барои соли 2023 аз ҷониби Бонки миллии Тоҷикистон дар сатҳи 6,0% (+/-2 б.ф.) пешбинӣ шудааст.

Дар Telegram, Facebook, Instagram, OK ва ВК бо мо бимонед.