Шабакаи ҷаҳонии ВВС эълом кард, ки пас аз 83 соли фаъолият, пахши барномаҳои радиои форсии ин шабака қатъ карда шуд. Дар ин бора сомонаи хабаргузории ВВС иттилоъ медиҳад.
Ба гуфтаи хабаргузорӣ, охирин барномаи форсии бомдодии ин радио субҳи рӯзи якшанбе, 26-уми март пахш шудааст. Барномаи субҳгоҳии “Чашмандоз” аз соати 7:00 то 9:00-и субҳ тавассути мавҷҳои радио ва моҳвора пахш гардидаанд.
Дориюши Раҷабиён, яке аз муҷриёни маъруфи Радиои форсии ВВС дар филми мустанади “Радио меравад: танҳо садост, ки мемонад” дар бораи наздик ба 83 соли фаъолияти ин радио сӯҳбат кардааст.
Шабакаи ҷаҳонии ВВС ҳадаф аз таваққуфи фаъолияти радиои форсии ин шабакаро тамаркузи бештар рӯй платформҳои диҷитол хондааст.
Бояд гуфт, ки Радиои форсии ВВС аз пуршунавандатарин радиоҳо бо собиқаи 83-сола буд, ки пас аз ҷанги ҷаҳонии дувум роҳандозӣ шуд. Барномаҳои форсии радиои ВВС дар Афғонистон ва Тоҷикистон аз шӯҳрати хоссе бархурдор буд ва алоқамандони зиёде дошт.
Ёдовар мешавем, ВВС аз расонаҳои пурмухотаби ҷаҳонӣ аст, ки ба забонҳои мухталифи ҷаҳон, аз ҷумла англисӣ, русӣ, чинӣ, форсӣ, пашту, урду ва ӯзбекӣ барнома пахш мекунад.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста