Дар натиҷаи ташхиси ҷасади Маъруф Асоеви 34-сола, ки дар шаҳри Толяттии Русия ба дор овехта дарёфтанд, нишонаи маргӣ маҷбурӣ дарёфт нашуда, ҷасад ба Тоҷикистон интиқол дода шудааст. Дар ин бора аз Вазорати меҳнат, муҳоҷират ва шуғли аҳолии Тоҷикистон ба “Азия-Плюс” хабар доданд.
Чанд рӯз пеш дар шабакаҳои иҷтимоӣ наворе паҳн шуд, ки ҷасади як муҳоҷири тоҷикро дар дарафхте дар як ҷангал ба дор овезон дарёфт карданд. Гуфта мешуд, ки ӯ худро ба дор овехтааст. Сабаби худкушии ӯ маълум нест.
Вазорат ҳам мушаххас нагуфт, ки сабаби худкушии ӯ чист.
Танҳо гуфт, намояндагии вазорат дар Русия оид ба муҳоҷират қазияи ба дор овехтани муҳоҷири тоҷикро мавриди пайгирӣ ва назорат қарор дода, барои дарёфти ҷузъиёти бештари ин ҳодиса бо мақомоти дахлдори ин кишвар, ташкилоти ҷамъиятии тоҷикони минтақа ва хешовандони марҳум дар ҳамкории зич мебошад.
Ба иттилои ин ниҳод, нафари фавтида шаҳрванди Ҷумҳурии Тоҷикистон Асоев Маъруф Ҷамшедович, 34 сола, зодаи шаҳри Душанбе, оиладор ва соҳиби 3 фарзанд мебошад, ки рӯзи 1-уми март худкушӣ кард.
“Бояд қайд кард, ки дар натиҷаи гузаронидани ташхиси криминалистӣ аз ҷониби мақомоти дахлдори кишвари иқомат, дар бадани Асоев Маъруф ягон нишонаҳои марги маҷбурӣ муайян нагардидааст”, - гуфтааст вазорати муҳоҷират ва меҳнат.
Ба иттилои ин ниҳод, бо мусоидати намояндагӣ ва кӯмаки ташкилоти ҷамъиятии тоҷикони шаҳри Толятти ҷасади марҳум тариқи хатсайри ҳавопаймоии Самара-Душанбе ба ватан интиқол дода шуд.
Бояд гуфт, ки ҳамасола тарқибан 1 миллион шаҳрванди Тоҷикистон барои пайдо кардани рӯзии хонаводаҳои худ ба Русия ба муҳоҷирати корӣ мераванд. Даҳҳо нафар бо сабабҳои гуногун дар ин кишвар ба ҳалокат мерасанд. Фалокатҳо дар ҷои кору ҷои зист ва бемориҳову садамаҳои нақлиётӣ аз иллатҳои умдаи марги муҳоҷирони тоҷик дар Русия ном бурда мешаванд.
“Сол аз сол гарон мешавад”. Сокинони Душанбе барои либос ва лавозимоти мактабӣ имсол чанд пул харҷ карданд?
Баъди нашри матлаби “Asia-Plus”, директори Театри Камоли Хуҷандӣ гуфт, саркоргардон бо хоҳиши худ аз вазифа озод карда шуд
Аз агрегати чоруми НБО “Норак” то корхонаи равғанбарорӣ. Эмомалӣ Раҳмон дар шаҳри Норак боз кадом иншоотро ифтитоҳ кард?
Сафи муаллимон аз Русия дар мактабҳои Тоҷикистон зиёд мешавад
Дар пайи мушкили вуруди муҳоҷирон ба Русия, Сафири Тоҷикистон бо консулҳои генералӣ вазъро баррасӣ кард
Дар Душанбе аз 1 сентябр шумори нақлиёти ҷамъиятӣ зиёд мешавад
Боздошти 3 ронандаи маст дар Душанбе давоми 1 шабонарӯз
Оё рақамисозии бахши кишоварзӣ бидуни Интернет имконпазир аст?
Пас аз таҷдид, агрегати чоруми НБО “Норак” ба истифода дода шуд
“Аудиокитоб” бо Субҳон Ҷалилов. Маснавии маънавӣ. Ҳикояи “Ҳамлаи саг ба кӯри гадо”
Кулли ахбор
Авторизуйтесь, пожалуйста