Муборизони курд қариб тамоми ҳудуди шаҳраки Тал-Абяди шимоли Сурияро аз тасарруфи гурӯҳи «Давлати исломӣ» озод намуданд.

Бино ба иттилои сомонаи расмии шабакаи телевизиони «Ҷаҳоннамо», зимни даргирӣ курдҳо мавзеъеро, ки тундравон онро чун масири қочоқи силоҳ ва муҳимоти ҷангӣ ба самти вилояти Раққаҳ истифода мебурданд, зери назорат гирифтаанд.

Гуфта мешавад, бар асари задухӯрдҳо 40 ҷангии гурӯҳи «Давлати исломӣ» маҳв ва боқимондаи онҳо ба муқовимати воҳидҳои курд тоб наоварда, ба атрофи шаҳраки Тал-Абяд ақибнишинӣ намуданд.

Зимнан зикр мегардад, ки шаҳраки Тал-Абяд дар марз бо Туркия воқеъ буда, ҳамарӯза тавассути он садҳо нафар аз Сурия ба Туркия ворид мешаванд.