Шабакаи Тулӯънеюс  бо нашри як видео дар бахши телеграми худ, навиштааст, ки Довуд Лағмонӣ, раиси вилояти Ғазнӣ ба гуруҳи "Толибон" таслим шудааст. Довуд Лағмонӣ яке аз чеҳраҳои ҷанҷоли чанд моҳи ахири Афғонистон аст. Худи вилояти Ғанӣ, ки умдатан як вилояти ҳазоранишин аст ба тасарруфи Толибон даромадааст.

Моҳи майи имсол Муҳаммад Ашраф Ғанӣ раисҷумҳури Афғонистон, Довуд Лағмониро волии влояти Форёб дар шимоли ин кишвар таъин карда буд, ки бо эътирозҳои густардаи мардум рӯ ба рӯ шуд.

Аммо манбаъҳои дигари расонаии Афғонистон навиштаанд, ки Лағмонӣ вилоятро ба "Толибон" таслим кардаасту худаш ба Кобул фирор кардааст.

Мардуми Форёб бо баргузор кардани эътирозҳои хеле густарда нагузоштанд, ки Лағмонӣ ба фаъолият оғоз кунад ва ӯ пас аз қарор гирифтан дар идораи амнияти ин вилоят, баъди се рӯз ба Кобул баргашт ва воли Ғазнӣ таъин шуд.

Толибон ҳамлаҳояшонро ба Ғазнӣ шаби гузашта оғоз карда буданд ва то зуҳри имрӯз ба ҷуз қароргоҳи артиш дар ин вилоят дигар тамоми ниҳодҳоро тасарруф карда буданд ва пас аз зуҳр вилоятро комилан ғасб карданд.

Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед. 

Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.