Дирӯз, 27-уми март, тақрибан соат 1:00 дар наздикии бинои Вазорати корҳои хориҷаи Афғонистон таркиш рух дод, ки чандин куштаву захмӣ ба ҷой гузошт.
Дар ин бора расонаҳои маҳаллӣ хабар медиҳанд.
Холид Задрон, сухангӯи раёсати амнияи Толибон* дар Кобул кушта шудани 6 ғайринизомиро тайид карда, гуфтааст, ки дар ҳамлаи интиҳорӣ ҳамчунин чанд нафари дигар захмӣ шудаанд.
Ӯ дар Твиттери худ навиштааст, ки интиҳоркунанда як нуқтаи бозрасии ҷангҷуёни ин гурӯҳро дар чаҳорроҳи Маликасғар, аз бахшҳои марбут ба ҳавзаи дувуми амниятии шаҳри Кобул, ҳадаф қарор дод.
Дар ҳамин ҳол, расонаҳои хабарии Афғонистон менависанд, ки аз маҳалли таркиш дар наздикии Вазорати корҳои хориҷаи Афғонистон 2 ҷасад ва 12 захмӣ, аз ҷумла як кӯдак ба шифохона интиқол дода шудаанд.
Ба гуфтаи шоҳидони ҳодиса таркиш замоне рух додааст, ки кормандони вазоратҳои умури хориҷа ва иттилоот ва фарҳанги Афғонистон дар ҳоли берун шудан аз бинои ин ду вазорат будаанд.
Чанде пеш низ дар ҳамлаи интиҳории шохаи Хуросони ДОИШ дар роҳи вазорати умури хориҷаи Афғонистон дар шаҳри Кобул даҳҳо тан кушта ва захмӣ шуданд.
Баъзе аз пойгоҳҳои хабарии наздик ба гурӯҳи ДОИШ эълом карда, ки ҳамлаи интиҳорӣ дар наздикии вазорати корҳои хориҷии Афғонистон дар шаҳри Кобул аз сӯи ин гурӯҳ анҷом шудааст.
*Дар Тоҷикистон гурӯҳи террористӣ эътироф шудааст
Ҳар он чи дар Афғонистон рух медиҳад, метавонед мустақиман дар сужаи мо - "Афғонистон" бихонед.
Мулоқоти навбатии ҳайатҳои Тоҷикистону Қирғизистон дар Гулистон
Иштироки намояндагони Тоҷикистон дар форуми сайёҳӣ дар Кореяи Ҷанубӣ
Тоҷикистон дар семоҳаи аввал ба ҳамсояҳо қариб ба 7,2 млн доллар барқ фурӯхт
Миёни ду донишгоҳу донишкадаи Тоҷикистон ва нӯҳ донишгоҳи Ӯзбекистон созишнома имзо шуд
Бинои нави Сафорати Ӯзбекистон дар Тоҷикистон ифтитоҳ шуд
Дар 10 минтақаи Русия фаъолияти муҳоҷирон дар баъзе соҳаҳоро манъ карданд
“Чанд ҳавопаймои бесарнишин сарнагун шуд”. Исроил ба Эрон ҳамлаи ҷавобӣ кард?
Ирсоли 3,5 ҳазор тонна кӯмаки башардӯстонаи Тоҷикистон ба осебдидагони Қазоқистон
Тақсими об дар Осиёи Марказӣ: барои обёрӣ ва баҳри Арал
Ҳабси маъмурӣ ва маҳрумият аз ронандагӣ. Вокуниш ба навори “Азия-Плюс”
Кулли ахбор
Авторизуйтесь, пожалуйста