Имрӯз, 19-уми июл, раисиҷумҳури Тоҷикистон Эмомалӣ Раҳмон қабл аз иштирок дар нахустин вохӯрии сарони давлатҳои Осиёи Марказӣ ва кишварҳои арабии Халиҷи Форс ба шаҳри Маккаи Арабистони Саудӣ рафта, бори панҷум маросими ҳаҷҷи умраро адо кардааст. Дар ин бора хадамоти матбуоти раисиҷумҳури Тоҷикистон иттилоъ медиҳад.
Хадамоти матбуоти раисиҷумҳур менависад, Эмомалӣ Раҳмон дар шаҳри Маккаи мукаррама қиблаи мусулмонон – Каъбаро зиёрат кардааст.
“Эмомалӣ Раҳмон либоси хоси маросими ҳаҷ – эҳромро ба бар карда, вориди хонаи Худо гардида, дохили Каъбатуллоҳ 2 ракъат намози нафл хонданд”, - меафзояд манбаъ.
Сипас, сарвари давлат ва ҳайати ҳамроҳи ӯ бо 7 маротиба давр задан дар гирди хонаи Каъба, яъне тавофи қиблаи мусулмонон дар рӯйи замин, маросими ҳаҷҷи умраро ба ҷо оварданд.
Пас аз тавофи хонаи Каъба, Эмомалӣ Раҳмон дар пушти мақоми пайғамбар Иброҳими Халилуллоҳ, ки дар як паҳлӯи Каъбатуллоҳ аст, 2 ракъат намози нафл хондааст.
“Сарвари давлат бо ҳайати ҳамроҳ пас аз адои намоз барои пешрафту шукуфоии ояндаи Тоҷикистон - хонаи умеди ҳамаи тоҷикони ҷаҳон ва сарҷамъию осудагии мардуми шарифи тоҷик дуои хайр карданд”, - менависад хадамоти матбуоти раисиҷумҳур.
Сипас, раисиҷумҳур дар назди чоҳи замзам аз оби он нӯшида, ба пояи кӯҳи Сафо баромада, то дар саъйгоҳ, яъне миёни кӯҳҳои Сафо ва Марва 7 маротиба рафтуо кунад.
Дар ин макон бояд 4 бор аз Сафо то Марва ва 3 бори дигар баръакс ҳаракат кунанд. Баъди анҷоми саъй дар пояи кӯҳи Марва мӯйи сар бояд тарошида ё кӯтоҳ карда шавад.
“Бо амалӣ намудани ин рукн маросими умраи ҳайати Тоҷикистон бо сарварии Эмомалӣ Раҳмон анҷом ёфт”, - таъкид мекунад манбаъ.
Мавриди зикр аст, ки ин зиёрат дафъаи панҷум ҷараён мегирад. Эмомалӣ Раҳмон солҳои 1997, 2001, 2005, 2016 ва 2017 ба Подшоҳии Арабистони Саудӣ сафарҳои расмӣ ва корӣ анҷом дода ва 4 маротиба ҳаҷҷи умра кардааст.
Бояд гуфт, ки Эмомалӣ Раҳмон қаблан3 маротиба ба дохили хонаи рамзии Худо – Каъба ворид шуда, бо гузоштани 2 ракъат намоз, барои Тоҷикистон ва мардуми он низ дуо намуда буд.
Ёдовар мешавем, ки ду рӯзи пеш хабари эҳтимолии ба бори панҷум ҳаҷҷи умра кардани раисиҷумҳури Тоҷикистон Эмомалӣ Раҳмон расонаӣ шуда буд.
Вазорати умури дохилии Русия тартиби сабти номи шаҳрвандони хориҷиро шарҳ дод
Роҳхатҳои олимпӣ дар кишварҳои Осиёи Марказӣ: кӣ аз ҳама зиёдтар дорад?
Дар радабандии ФИФА мунтахаби футзали Тоҷикистон байни 139 кишвар зинаи 34-умро ишғол кард
“Ба хотири шаффофият!”. Пули иҷораи китобҳои дарсӣ низ дигар ғайринақдӣ супорида мешавад
Собиқадорони Ҷанги Бузурги Ватанӣ дар Душанбе чанд пул мегиранд?
Ном ба ном. Зимни тағйироти кадрии имрӯза кӣ чӣ вазифа гирифт ва ё аз мансаб озод шуд?
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Аз сафирон то роҳбарони Агентиҳо. Тағйироти кадрӣ ва дастури Эмомалӣ Раҳмон ба мансабдорони навтаъин
Агентии омор: Сокинони Тоҷикистон дар як шабонарӯз 8 соат хоб, 7 дақиқа мутолиа ва ҳамагӣ 1 соат кор мекунанд
Кулли ахбор
Авторизуйтесь, пожалуйста