Имрӯз, 18-уми июл, раисиҷумҳури Тоҷикистон Эмомалӣ Раҳмон ҷиҳати иштирок дар Нишасти сарони давлатҳои Осиёи Марказӣ ва кишварҳои арабии Халиҷ ба шаҳри Ҷиддаи Подшоҳии Арабистони Саудӣ сафар кард. Дар ин бора Хадамоти матбуоти раисиҷумҳури Тоҷикистон иттилоъ медиҳад.
Ба гуфтаи манбаъ, дар фурудгоҳи байналмилалии Душанбе Эмомалӣ Раҳмонро раиси Маҷлиси миллии Маҷлиси Олии Тоҷикистон, раиси Маҷлиси намояндагони Маҷлиси Олии Тоҷикистон, сарвазири Тоҷикистон, муовини якуми роҳбари Дастгоҳи иҷроия ва дигар шахсони расмӣ гусел намудаанд.
“Дар ин сафар Президенти Тоҷикистон Эмомалӣ Раҳмонро вазири корҳои хориҷӣ, ёрдамчиёни президенти Тоҷикистон оид ба масъалаҳои робитаҳои хориҷӣ ва оид ба масъалаҳои иқтисодӣ, вазири молия, раиси Кумитаи дин, танзими анъана ва ҷашну маросим ва дигар шахсони расмӣ ҳамроҳӣ мекунанд”, - менависад хадамоти матбуот.
Қаблан Абдуфаттоҳ Шарифзода, сухангӯи раисиҷумҳури Тоҷикистон ба “Азия-Плюс” гуфта буд, ки ин сафар ду рӯз идома мекунад.
“Ҷаноби олӣ рӯзи 19-уми июл дар Саммити нахустини Сарони давлатҳои узви Шӯрои ҳамкории кишварҳои арабии Халиҷ ва Осиёи Марказӣ ширкат мекунанд ва ҳамон рӯз ба Тоҷикистон бармегарданд”, - афзуда буд сухангӯи раисиҷумҳури Тоҷикистон.
Абдуфаттоҳ Шарифзода дигар ҷузъиёти ин сафарро ироа накарда ва ба мо нагуфт, ки раисиҷумҳури Тоҷикистон Эмомалӣ Раҳмон дар пайи ин сафар ҳаҷҷи умра мекунад ва ё на.
Дар ҳамин ҳол, Радиои Озодӣ бо такя ба манобеаш аз ҳукумати Тоҷикистон хабар медиҳад, ки “Эмомалӣ Раҳмон ва ҳайати ҳукумат ба шаҳри Макка ҳам сафар карда, маносики ҳаҷҷи умраро адо мекунанд”.
Бояд гуфт, Эмомалӣ Раҳмон то имрӯз 4 маротиба маносики ҳаҷҷи умраро адо карда, ду маротиба дохили хонаи Каъба ҳам даромадааст.
Ёдовар мешавем, тавре хадамоти матбуоти раисиҷумҳури Тоҷикистон менависад, ки Эмомалӣ Раҳмон бори аввал соли 1997 ба Арабистони Саудӣ маносики ҳаҷҷи умраро адо кардааст. Баъдан дар солҳои 2001, 2005 ва 2016 ба ҳаҷҷи умра рафтааст.
Дар Душанбе намояндагии Хадамоти шиносномавӣ - раводидии ВКД Русия боз шуд. Ин ба муҳоҷирони кории тоҷик чӣ медиҳад?
Дар Тоҷикистон боз раъду барқу борони сел дар назар аст
Дар Тоҷикистон 30-солагии таъсисёбии Қӯшунҳои сарҳадиро ҷашн мегиранд
“Шеъраш тасвири зебои шоирона дорад”. Дар Душанбе шаби эҷодии Кӯҳзоди Фатҳулло баргузор шуд
Хоҳиши расмӣ аз Путин: Толибонро аз рӯйхати террористон берун кунед
Зеризаминӣ ё рӯизаминӣ? Дар Душанбе бори дигар масъалаи сохтмони метро баррасӣ шуд
Дар Тоҷикистон зиёда аз 10 ҳазор гектар замин бе об монд
“Мепурсанд, ки магар наметарсед?”. Кору рӯзгори заноне, ки дар Тоҷикистон ба кирокашӣ машғуланд
Давлаталӣ Саид: Барои бунёди корхона ба як ширкати чинӣ замин ҷудо кунед
Эмомалӣ Раҳмон муҳимияти тадбирҳо оид ба ҳифзи ҳуқуқи муҳоҷиронро таъкид кард
Кулли ахбор
Авторизуйтесь, пожалуйста