Имрӯз, 21-уми феврал Эмомалӣ Раҳмон, раисҷумҳури Тоҷикистон бо даъвати Владимир Путин, президенти Русия барои ширкат дар маросими кушодашавии “Бозиҳои оянда” ба шаҳри Қазон рафт. Дар ин бора Хадамоти матбуотии президенти Тоҷикистон хабар медиҳад.
Манбаъ менависад, ки раисиҷумҳурро дар cафари корӣ, вазири корҳои хориҷӣ, ёрдамчиёни Президенти Тоҷикистон оид ба масъалаҳои робитаҳои хориҷӣ ва оид ба масъалаҳои рушди иҷтимоӣ ва робита бо ҷомеа, вазирони саноат ва технологияҳои нав, кишоварзӣ, раиси Кумитаи давлатии сармоягузорӣ ва идораи амволи давлатӣ, директори Агентии инноватсия ва технологияҳои рақамӣ, раиси Кумитаи ҷавонон ва варзиш ва дигар шахсони расмӣ ҳамроҳӣ мекунанд.
Маълум нест, ки Эмомалӣ Раҳмон дар чаҳорчӯби ин сафар ба Русия бо ҳамтоёни худ дар кишварҳои муштаракулманофеъ, аз ҷумла раисиҷумҳури Русия мулоқот хоҳад кард ё на.
Дар маросими ифтитоҳи бозиҳо ҳамчунин раисони ҷумҳури Ӯзбакистон, Қазоқистон ва Қирғизистон ширкат мекунанд.
"Бозиҳои оянда" мусобиқаҳои бузургест, ки намудҳои классикии варзиш, коркардҳои илмӣ ва технологияҳои рақамиро дар бар мегиранд.
Мусобиқа аз 21 феврал то 3 март дар Қазон баргузор мешавад ва дар он 227 даста аз 107 кишвари ҷаҳон, аз ҷумла кишварҳои Осиёи Марказӣ ширкат мекунанд.
«Бозиҳои оянда» як мусобиқаи васеъмиқёси гуногунҷанбаи варзишӣ мебошад, ки мусобиқаҳои варзиши фиҷиталро дар бар мегирад.
Ин формати нави рақобат аст, ки дастаҳо аввал дар варзишҳои воқеӣ ва сипас дар бозиҳои киберӣ, ки ин риштаҳои варзишро тақлид мекунанд, рақобат мекунанд.
Мусобиқа 21 намуд, аз қабили футбол, баскетбол, хоккей, пойга ва ғайраро дар бар мегирад.
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Кулли ахбор
Авторизуйтесь, пожалуйста