Вазорати нақлиёти Тоҷикистон бо ширкати Nanjing Communication Engineering Co. Ltd-и Чин ва ҶСП «Заводи Асфалту Бетон»-и Тоҷикистон дар бораи сохтмони роҳҳои мошингард дар вилояти Хатлон созишнома имзо кард.
Тавре ки дафтари матбуоти Вазорати нақлиёти ҷумҳурӣ хабар медиҳад, ин ҷо сари сохтмони роҳи автомобилгарди Бохтар-Левакант (масофааш 9,72 км) ва Левакант- Лолазор (масофааш 30,28 км) сухан меравад, ки дар доираи Лоиҳаи таҷдиди роҳҳои автомобилгард сохта мешаванд.
Дар маълумоти Вазорати нақлиёт зикр мешавад, ки дар лоиҳа сохтмони 5 роҳи мошингард дар назар буда, президент онро дар паёмаш ба парлумон супориш дод, ки бунёди он соли 2023 оғоз гардад. Ҳамчунин сарвари давлат дар ҷаласаи васеи ҳукумат, ки ҳафтаи гузашта доир гардида буд, ин супоришро такрор кард.
Гуфта мешавад, дар озмуни байнулмилалӣ оид ба интихоби паймонкорон барои татбиқи лоиҳаи мазкур дар баробари 18 ширкати байнулмилалӣ, ду ширкати маҳаллӣ: ҶДММ «ИДЕАЛ-СЕРВИС» ва ҶСП «Заводи Асфалту Бетон» - иштирок доштанд. Назорати сифати сохтмонро ширкати австралиягии СМЕК амалӣ мекунад.
Ёдрас мекунем, ки дар паёми ахири президент зикр шуд, ки барои беҳбуди вазъи роҳу шоҳроҳҳои мошингард ва табдили Тоҷикистон ба кишвари транзитӣ, тайи 5 соли ахир дар соҳаи нақлиёт 13 лоиҳаи давлатии сармоягузорӣ ба маблағи умумии зиёда аз 5,1 млрд сомонӣ (500 млн доллар) амалӣ шуда, дар доираи он 250 километр роҳҳои автомобилгард, 22 пул (купрӯк), 4 нақб ва якчанд эстакада сохта шуд.
Айни замон ба маблағи 11 млрд сомонӣ боз 17 лоиҳаи сармоягузорӣ мавриди амалишавӣ қарор дорад.
Дар се соли наздик ба маблағи 7,4 млрд сомонӣ боз 6 лоиҳа татбиқ шуда, ба истифода додани 317 километр роҳҳои автомобилгарди байнулмилалӣ, 32 пул, 5 нақб бо масофаи умумии 11,2 километр ва 7 долонҳои муҳофизат аз тармафароӣ ба нақша гирифта шудааст.
Тавре ки зикр шуд, корҳои иҷрошуда дар ин соҳа ба Тоҷикистон имкон доданд, ки тайи 4 соли ахир тибқи арзёбии Форуми ҷаҳонии иқтисодӣ аз рӯи сифати роҳҳо байни 138 кишвар зинаи 50-умро ишғол намояд.
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Кулли ахбор
Авторизуйтесь, пожалуйста