Суди ноҳияи Исмоили Сомонии пойтахт даъвои рӯҳониёни маъруфи кишвар – бародарон Тӯраҷонзодаҳо нисбат ба раиси Шӯрои уламои Тоҷикистон Саидмукаррам Абдуқодирзодаро қонеъ накард. Қарори суд рӯзи 22-юми феврал эълон карда шуд.
Ёдрас мекунем, ки даъвогарон муфтиро ба туҳмат ва сохтакории изҳороти Шӯрои уламо, ки моҳи декабри соли гузашта дар тамоми масҷидҳои ҷумҳурӣ қироат карда шуд, муттаҳам карданд. Дар изҳорот оилаи Тӯраҷонзодаҳо ба баргузории маросими «Ошӯро»-и мазҳаби шиа дар масҷиди оилавиашон гунаҳкор карда шуда буданд.
Бародарон Тӯраҷонзодаҳо гуфтанд, бо ин амал муфтӣ онҳоро ба ҷонибдорӣ ба мазҳаби шиа ва канорагирӣ аз мазҳаби ҳанафӣ гунаҳкор намуд. Банди дуюми даъвои бародарон дар он ифода меёфт, ки изҳороти интишоршудаи Шӯрои уламо гӯё дар Шӯро баррасӣ ва қабул нашудааст.
Ба гуфтаи раиси мурофиа судя Зокир Аминов, даъвогарон бобати аз ҷониби С.Абдуқодирзода бидуни назардошти ақидаи аъзои дигари Шӯро сохтакорӣ кардани изҳорот далелҳои кофӣ пешниҳод карда натаавонистанд.
Пас аз эълони қарори суд Ҳоҷӣ Акбар Тӯраҷонзода дар ҷамъи рӯзноманигорон изҳор кард, ки тибқи баёноти шоҳидон, гӯё ҳеҷ яке аз аъзои Шӯрои уламо нисбат ба онҳо суханони таҳқиромез нагуфтааст, «вале ман нафаҳмидам, ки кӣ маро дар ин изҳорот 40 маротиба таҳқир кардааст, зеро мо бо вакили мудофеи худ дар матни изҳороти мазкур 40 калимаву ибораҳои тавҳиномез дарёфтем».
Дар ҳамин ҳол, Тӯраҷонзода дигар ба зинаҳои болоии судӣ шикоят бурданӣ нест, «зеро барои муроҷиат ба судҳои аврупоӣ мебояд аввал 5-6 зинаҳои судӣ дар дохили ҷумҳуриро тай намуд».
Раиси Шӯрои уламо Сакидмукаррам Абдуқодирзода пас аз содир шудани қарор гуфт, беайбии худро медонист, вале ба ҳар ҳол, аз ҷараёни мурофиаи судӣ изҳори нигаронӣ дошт.
«Агар бародарон Тӯраҷонзодаҳо аз болои қарори мазкур ба зинаи болоӣ шикоят баранд, пас мо низ даъвои ҷавобӣ пешниҳод карда, аз онҳо барои зарари маънавӣ ҷуброн талаб хоҳем кард», - афзуд муфтӣ.
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Кулли ахбор
Авторизуйтесь, пожалуйста