Сулаймон Султонзода, директори Агентии зиддифасоди Тоҷикистон дар нишасти матбуотӣ рӯйхати ниҳодҳоеро номбар кард, ки дар онҳо бештар аз ҳама ҳолатҳои фасодкорӣ ошкор шудааст.
Ба гуфтаи Султонзода, дар зарфи шаш моҳи аввали соли 2023 ҳолатҳои хусусияти коррупсионидошта бештар аз ҳама дар ниҳодҳои зерин ошкор гардидааст:
- бонкҳои давлатию тиҷоратӣ - 142 ҷиноят;
- ҳукумати шаҳру ноҳияҳо - 123 ҷиноят;
- идораи замин ва бақайдгирии молу мулки ғайриманқул - 107 ҷиноят;
- маориф ва илм - 116 ҷиноят;
- тандурустӣ ва ҳифзи иҷтимоии аҳолӣ - 70 ҷиноят;
- шабакаҳои таксимоту фурӯши барқ - 26 ҷиноят;
- меҳнат, муҳоҷират ва шуғли аҳолӣ - 18 ҷиноят;
- кишоварзӣ - 17 ҷиноят;
- дигар идораву корхонаҳои давлатӣ - 246 ҷиноят.
Бояд гуфт, ки Агентии зиддифасод ҳар сол ин рӯйхатро пешниҳод мекунад. Соли 2022 дар ин миён ҳукуматҳои шаҳру ноҳияҳо, маориф, тандурустӣ, замин ва соҳаи бонкдорӣ дар раддаи авал қарор доштанд.
Дар ин баробар, Агентии зиддифасод дар шашмоҳаи аввали соли равон 44 ҳолати фаъолияти якҷои хешовандон дар мансабҳои давлатиро ошкор кардааст.
“Аз фаъолияти якҷои хешовандон дар соҳаи тандурустӣ 16 ва дар соҳаи маориф 15 ҳолат ошкор гардида, онҳо аз вазифа озод карда шуданд. Дар ниҳодҳои дигар ҳам ин раванд ошкор ва чораҳои дархлдор андешида шудааст”, - гуфт Сулаймон Султонзода.
Ба қавли ӯ, дар шашмоҳаи гузашта инчунин 68 ҳолати вайрон кардани талаботи моддаи 22-и Қонун “Дар бораи муқовимат бо коррупсия”, аз қабили мавҷудияти доғи судӣ, надоштани таҳсилот, ихтисос ё собиқаи кории дахлдори ҳатмӣ ошкор гардида, баҳри бартараф намудани қонунвайронкуниҳои ҷойдошта бо ирсоли санадҳои эътиноӣ чораҷӯӣ карда шудааст.
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Кулли ахбор
Авторизуйтесь, пожалуйста