Як қаллоб дар шаҳри Душанбе аз ду шаҳрванд 5 мошини гаронарзишро тариқи ғайринақдӣ ба муҳлати 10 шабонарӯз гирифта, дар ҷамъ ба онҳо бештар аз 700 ҳазор сомонӣ зарари моддӣ расонидааст. Дар ин бора Вазорати корҳои дохилии Тоҷикистон иттилоъ медиҳад.
Ба гуфтаи манбаъ, қаллоб сокини шаҳри Ваҳдат буда, 37 сол доштааст ва рӯзи 3-юми июн дар кӯчаи Н.Қарабоеви шаҳри Душанбе бо роҳи фиреб аз як марди 50-солаи сокини ноҳияи Кӯшониён ду мошин харидорӣ кардааст.
“Фиребгар ба боварии мард даромада, аз ӯ автомашинаҳои тамғаи “Лексус-350” ва “Тайота-Камри”-ро ҷамъ ба маблағи 295 ҳазор сомонӣ тариқи ғайринақдӣ ба муҳлати 10 шабонарӯз гирифта, то ҳол маблағҳояшро барнагардонидааст”, - омадааст дар хабар.
Баъд аз ин, гумонбаршаванда бо ҳамин роҳ рӯзи 26-уми июн дар назди бозори “Саховат”-и шаҳри Душанбе ба боварии марди 36-солаи сокини шаҳри Ҳисор даромада, ӯро низ фиреб додааст.
“Гумонбаршаванда аз сокини шаҳри Ҳисор автомашинаҳои тамғаҳои “БМВ”, “Тайота-Камри” ва “Опел-Вектра”-ро ба маблағи 443 ҳазор сомонӣ тариқи ғайринақдӣ ба муҳлати 10 шабонарӯз гирифта, маблағҳояшро барнагардонидааст”, - менависад ВКД.
Ин гумонбаршаванда дар ҷамъ ба ду шаҳрванди дигар 738 ҳазор сомонӣ зарар расонидааст.
Ҳоло маълум нест, ки гумонбаршаванда бо кадом моддаи Кодекси ҷиноятии ҶТ айбдор шудааст.
ВКД гуфтааст, ки оид ба ин ҳодисаҳо тафтишот идома дорад.
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Кулли ахбор
Авторизуйтесь, пожалуйста