Ба наздикӣ дар Ҷидда вохӯрии Сафири Фавқулода ва Мухтори Ҷумҳурии Тоҷикистон дар Мамлакати Арабистони Саудӣ Абдулло Юлдошев бо Дабири кулли Созмони ҳамкории исломӣ (СҲИ) профессор Акмалиддин Эҳсоноғлу доир гардид.
Тавре аз департаменти иттилооти Вазорати корҳои хориҷии ҷумҳурӣ хабар доданд, сафири Тоҷикистон А. Юлдошев ба Дабири кулли СҲИ паёми даъвати Вазири корҳои хориҷии Ҷумҳурии Тоҷикистон Ҳамрохон Зарифӣ ва Вазири умури хориҷаи Ҷумҳурии Исломии Афғонистон Залмай Расулро барои иштирок дар Панҷумин Конфронси ҳамкории иқтисодии минтақавӣ оид ба Афғонистон (RECCA-V), ки 26-27 марти соли равон дар Душанбе ба нақша гирифта шудааст, тақдим кард.
Ҳамзамон, Сафири тоҷик ёдовар шуд, ки Ҳукумати Ҷумҳурии Тоҷикистон ба ин Конфронс аҳамияти хоса медиҳад ва 27 январ дар ҳузури Президенти Ҷумҳурии Тоҷикистон Эмомалӣ Раҳмон гузориши Вазири корҳои хориҷии Ҷумҳурии Тоҷикистон Ҳамрохон Зарифӣ оид ба рафти омодагӣ ба ин ҳамоиши бузурги байналмилалӣ мавриди муҳокима қарор гирифт.
Дар навбати худ, Дабири кул А. Эҳсоноғлу изҳори сипос карда, афзуд, ки ӯ саъй хоҳад намуд, то дар кори Конфронс ширкат варзад.
Ҳамчунин, вохӯрии Сафири Тоҷикистон А. Юлдошев бо Раиси Бонки рушди исломӣ Аҳмад Муҳаммад Алӣ барпо шуд.
Дипломати тоҷик ба Раиси Бонк паёми даъвати Вазири корҳои хориҷии Ҷумҳурии Тоҷикистон Ҳамрохон Зарифӣ ва Вазири умури хориҷаи Ҷумҳурии Исломии Афғонистон Залмай Расулро ҷиҳати ширкат дар Панҷумин Конфронси ҳамкории иқтисодии минтақавӣ оид ба Афғонистон (RECCA-V) супурд.
Аҳмад Муҳаммад Алӣ миннатдории хешро баён намуда, иброз дошт, ки кӯшиш хоҳад кард, то дар кори Конфронс дар раъси як ҳайати бонуфуз ширкат варзад.
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Кулли ахбор
Авторизуйтесь, пожалуйста