Душанбе. 2-юми декабр. ОИ «Азия-Плюс» - Сафари давлатии серӯзаи президенти Тоҷикистон Эмомалӣ Раҳмон ба Украина аз пагоҳ шурӯъ мешавад.
Тавре аз Вазорати умури хориҷии ҷумҳурӣ ба ОИ «Азия-Плюс» хабар доданд, сарони давлатҳои Тоҷикистону Украина ҷузъиёти ҷараёни иҷрои қарордодҳои қаблиро, ки моҳи марти соли ҷорӣ зимни сафари расмии президенти Украина ба Тоҷикистон ба имзо расида буданд, мавриди баррасӣ қарор хоҳанд дод.
Ғайр аз ин, сарони кишварҳо аз ҷараёни иҷрои Нақшаи кории «Тоҷикистон- Украина барои солҳои 2008-2009» натиҷагирӣ намуда, перомуни масоили муҳими амнияти минтақавӣ ва байнулмилалӣ табодули афкор хоҳанд кард. «Дидору гуфтушуниди Эмомалӣ Раҳмон бо нахуствазири ин кишвар Юлия Тимошенко дар назар аст», - гуфт манбаъ.
Бино ба иттилои манбаъ, дар ҷараёни боздид имзои 8 санади байнидавлатӣ, аз қабили Изҳороти муштараки сарони кишварҳо, Созишномаҳои ҳамкорӣ дар соҳаҳои фарҳангу санъат, сайёҳиву сиёсати ҷавонон, тарбияи ҷисмонӣ ва варзиш, бахши кишоварзӣ, Созишномаи ҳамкорӣ
миёни Донишгоҳи миллии Тоҷикистон ва Донишгоҳи миллии Киеви ба номи Тарас Шевченко ва Нақшаи чорабиниҳо оид ба ҳамкории иқтисодӣ миёни давлатҳо то соли 2012 ба нақша гирифта шудааст.
Дар чаҳорчӯбаи сафар Эмомалӣ Раҳмон ба ҷуз шаҳри Киев, ҷиҳати баррасии масоили роҳандозии ҳамкориҳои минтақавӣ аз шаҳрҳои Лвов ва Харкови ин кишвар низ боздид хоҳад кард. «Аз ҷумла, дар Харков сарвари давлати Тоҷикистон бо фаъолияти ҶСК «Турбоатом», ки минбаъд чун таъминкунандаи таҷҳизоти гидротехникӣ ба нерӯгоҳи Роғун арзёбӣ мешавад, аз наздик шинос хоҳад гашт», - афзуд манбаъ. Сафари президенти Тоҷикистон ба Украина то 5-уми декабр идома хоҳад ёфт.
Нақшаи даъвати ҳарбӣ 70% иҷро шуд. “Облава” аз байн рафт?
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Кулли ахбор
Авторизуйтесь, пожалуйста