Таҳти раёсати раиси шаҳри Душанбе Рустами Эмомалӣ санаи 15 январ ҷаласаи васеи мақомоти шаҳрдории пойтахт доир мегардад, ки дар он аз рушди шаҳр дар соли гузашта натиҷагирӣ ва нақшаҳо дар соли 2019 муайян карда мешаванд.
Тавре ба “Азия-Плюс” аз мақомоти шаҳрдории пойтахт дар ин робита хабар доданд, дар ҷаласа ба масъалаи таъсиси ҷойҳои нави корӣ дар пойтахт, мавриди баҳрабардорӣ қарор додани иқтидорҳои нави саноатӣ, иншооти таъиноти иҷтимоӣ ва ҷараёни амалисозии нашаи генералии шаҳр таваҷҷуҳи хосса зоҳир хоҳад шуд.
Дар ҷаласа раисони ноҳияҳои пойтахт ва роҳбарони сохторҳои шаҳр дар бораи корҳои иҷрошуда дар соли гузашта ва нақшаҳо дар соли равон ҳисобот медиҳанд.
Ҳамчунин дар ҷаласа баррасии ҷараёни омодагии мақомоти шаҳрдорӣ ба истиқболи ҷашни 30-солагии Истиқлолияти давлатии Тоҷикистон низ дар назар аст.
Мувофиқи нақшаи ҳукуматдорони пойтахт, давоми солҳои 2019-2021 дар Душанбе беш аз 4 ҳазор иншооти таъиноти саноативу иҷтимоӣ, соҳаи маориф ва тандурустӣ, фарҳангу фароғатӣ, истироҳат ва варзишӣ ба истифода дода мешаванд.
Дар иншооти саноатӣ истеҳсоли маснӯоти дӯзандагиву бофандагӣ, қаннодӣ ва таҷҳизоти маишӣ ба нақша гирифта, ба сурати умум дар онҳо зиёда аз 17 ҳазор ҷойҳои нави корӣ таъсис дода мешаванд.
Ғайр аз ин, дар ҷаласаи ҷамъбасти солона аз кори нақлиёти ҷамъиятӣ, бахши иҷтимоӣ, соҳаи маорифу тандурустии шаҳр дар соли гузашта натиҷагирӣ шуда, назди ин сохторҳо дар соли ҷорӣ вазифаҳои нав гузошта мешаванд.
Бо мо дар Telegram, Facebook, Instagram, Viber, Яндекс.Дзен, OK ва Google Новости бимонед.
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Мансабдори пешини қирғиз, ки як санад оид ба марзи Тоҷикистону Қирғизистонро имзо карда буд, аз зиндон озод шуд
Тасарруфи беш аз 142 ҳазор сомонӣ зимни сохтмони як бинои Маркази миллии тестӣ
Додситонии Олмон панҷ зодаи Тоҷикистонро ба терроризм муттаҳам кард
Кулли ахбор
Авторизуйтесь, пожалуйста