Ба таъсиси Қӯшунҳои дохилии Вазорати корҳои дохилии Тоҷикистон 20 сол пур шуд.
Бино ба иттилои Вазорати корҳои дохилии ҶТ, дар маросими ҷашни тантанавӣ ба ин муносибат вазири корҳои дохилӣ генерал-лейтенанти милитсия Рамазон Раҳимов, вазири мудофиаи Тоҷикистон генерал-полковник Шералӣ Хайруллоев, раиси КДАМ генерал-лейтенант Саймумин Ятимов, фармондеҳи Гвардияи миллӣ генерал-лейтенант Раҷабалӣ Раҳмоналӣ, муовини раиси КДАМ - фармондеҳи Сарраёсати қӯшунҳои сарҳадӣ Шералӣ Мирзо ва дигар меҳмонони олиқадр, собиқадорон, ҳайати шахсии Қӯшунҳои дохилӣ иштирок намуданд.
Чорабинии мазкур бо сухани ифтитоҳии вазири корҳои дохилӣ оғоз гардида, дар он паради ҳарбӣ, суруду мусиқии низомии оркестри нафасии Қӯшунҳои дохилӣ ҳусни дигар зам намуд.
Вазири корҳои дохилӣ аз давраи ҳассосу тақдирсози даврони тозаистиқлолияти кишвар ва саҳми Қӯшунҳои дохилии ВКД дар барқарор намудани сохти контстиутсионии мамлакат ва бо дастгириву сиёсати хирадмандонаи Роҳбари давлат ба ин сатҳи баланди касбӣ расидани ин сохтори низомӣ ёдовар гардида, қайд намуд, ки он нафароне, ки дар роҳи ҳифзи марзу буми Ватан аз сафҳои Қӯшунҳои дохилӣ ҷони худро нисор намудаанд, ҳамеша дар ёди мардум ва дар дилу дидаи ҳамкасбон боқӣ хоҳад монд.
Ҳамчунин бо фармони вазири корҳои дохилӣ як қатор афсарону генералҳо ва кормандони фаъоли сохтори мазкур бо медали «20-солагии Қӯшунҳои дохилии ВКД» сарфароз гардонида шуданд, аз ҷумла, аввалин чунин медал ба Вазири мудофиаи Тоҷикистон генерал-полковник Шералӣ Хайруллоев, ки дар таъсису ташаккулёбии Қӯшунҳои дохилӣ саҳми арзанда доранд, тақдим карда шуд.
Зикр гардид, ки ҳамарӯза 270-300 нафар хизматчиёни ҳарбӣ дар ҳамдастӣ бо намояндагони мақомоти ҳифзи ҳуқуқ дар таъмини ҳифзи тартиботи ҷамъиятӣ саҳм мегиранд. Зиёда аз 150 нафар аз ҳисоби ҳайати шахсии Қӯшунҳои дохилии ВКД шабонарӯзӣ ба ҳифзи иншооти давлативу низомӣ ҷалб шудаанд.
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Аз сафирон то роҳбарони Агентиҳо. Тағйироти кадрӣ ва дастури Эмомалӣ Раҳмон ба мансабдорони навтаъин
Агентии омор: Сокинони Тоҷикистон дар як шабонарӯз 8 соат хоб, 7 дақиқа мутолиа ва ҳамагӣ 1 соат кор мекунанд
Ҳамлаи мушакии Ҳамос ба сарбозони исроилӣ. Огоҳӣ барои тахлия аз Рафаҳи Шарқӣ дода шуд
Дар Ховалинг як нафар ғарқ шуда, дигарӣ ба ҷарӣ афтод ва ҷароҳат бардошт
Ҳалокати се нафар, зери об мондани садҳо гектар замину хонаи сокинон. КҲФ хисороти боришоти шадиди ду рӯзи охирро гуфт
Дар Тоҷикистон корхонаи истеҳсоли дору ва молҳои тиббӣ сохта мешавад
“Вазъи молиявӣ барои ғолибият таъсир намерасонад!”. Дар Тоҷикистон озмуни “Оилаи намунавӣ” идома дорад
Қаҳвахона ва тарабхонаҳои писандидаи муҳоҷирон дар Маскав баста мешаванд
Кулли ахбор
Авторизуйтесь, пожалуйста