Мақомоти ҳифзи ҳуқуқи Афғонистон се нафар сокинони ноҳияи Шаҳритӯси вилояти Хатлонро ба гумони узвият дар гурӯҳи ифротгарои «Ансоруллоҳ» боздошт намудаанд.
Чӣ тавре ки ба ОИ «Азия-Плюс» аз мақомоти ҳифзи ҳуқуқи Тоҷикистон дар ин робита хабар доданд, ин се нафар муддати се сол дар урдӯгоҳҳои Вазиристони Покистон таълимоти ҳарбӣ гирифтаанд.
«Тибқи маълумоти ҳамтоҳои афғон, ному насаби ин шаҳрвандони Тоҷикистон ифшо нагардида, онҳо ба содир гардидани амалҳои террористӣ дар вилоятҳои Пактика, Пактиё ва Хуст муттаҳам дониста мешаванд. Ҳамчунин иттилоъ дода мешавад, ки онҳо миёни тоҷикон оид ба анҷом додани ҷиҳод таблиғот мебурдаанд», - гуфт манбаъ.
Дар сохторҳои қудратии Тоҷикистон ба ОИ «Азия-Плюс» хабари рӯзи 9-уми август интишоргардида дар бораи боздошти боз як шаҳрванди Тоҷикистон дар шаҳри Файзобод, маркази маъмурии вилояти Бадахшони Афғонистон ба иттиҳоми фаъолияти террористиро низ тасдиқ карданд.
«Ӯ 7-уми август боздошт шуда, зодаи Тавилдара аст. Тибқи маълумоти мо, ӯ ҳангоми суиқасд ба ҷони намояндаи мақомоти маҳалли ҳокимияти вилояти Бадахшони Афғонистон дастгир шуда, ҳангоми боздошт дар камари ӯ маводи тарканда баста шуда будааст. Яқинан ӯ террористи маргталаб будааст», - гуфт манбаъ.
Ёдрас мекунем, ки қаблан журналист Хушқадам Усмонӣ ба ОИ «Азия-Плюс» иттилоъ дода буд, ки террористи маргталабро кормандони Раёсати амнияти миллии Афғонистон дар ҳамдастӣ бо нерӯҳои пулис боздошт намудаанд.
«Маъруф Росих, сухангӯи губернатори вилояти Бадахшони Афғонистон изҳор дошт, ки боздоштшуда шаҳрванди Тоҷикистон ва ба узвият дар «Ансоруллоҳ» гумонбар дониста мешавад. Сухангӯй ин шахсро террористи хатарнок номида, гуфтааст, ки ӯ ният дошт, ки ба намояндаи ҳокимияти маҳаллӣ ҳамла кунад. Ному насаби шахси мансабдорро ӯ номбар накард», - иброз дошт журналист.
Ба қавли Усмонӣ, шахси боздошттшуда назди камераҳои телевизионии журналистон изҳор кардааст, ки се сол қабл аз Тоҷикистон ба Эрон рафта, сипас баъди як сол ба Покистон раҳсипор шудааст ва дар Вазиристони Шимолӣ таълимоти ҳарбӣ гирифтааст.
«Ному насаби шаҳрванди боздоштшудаи Тоҷикистон зикр нагардида, ӯ изҳор мекунад, ки ба Афғонистон бо мақсади ҷиҳод омадааст ва якчанд маротиба дар муқовиматҳои низомӣ алайҳи нерӯҳои эътилофи байнулмилалӣ ва ҳарбиёни афғон иштирок доштааст. Ӯ ҳамчунин гуфтааст, ки ахиран нияти убури марз аз Афғонистони Бадахшон ба қаламрави Тоҷикистонро дошта, ба фаъолият дар ин қаламрав оғоз карданӣ будааст», - иттилоъ дод Усмонӣ.
Ёдрас мекунем, ки ҳанӯз соли 2012 Суди олии Тоҷикистон фаъолияти гурӯҳи «Ҷамоати Ансоруллоҳ» дар қаламрави кишварро расман мамнӯъ эълон кард.
Дар Ховалинг як нафар ғарқ шуда, дигарӣ ба ҷарӣ афтод ва ҷароҳат бардошт
Ҳалокати се нафар, зери об мондани садҳо гектар замину хонаи сокинон. КҲФ хисороти боришоти шадиди ду рӯзи охирро гуфт
Дар Тоҷикистон корхонаи истеҳсоли дору ва молҳои тиббӣ сохта мешавад
“Вазъи молиявӣ барои ғолибият таъсир намерасонад!”. Дар Тоҷикистон озмуни “Оилаи намунавӣ” идома дорад
Қаҳвахона ва тарабхонаҳои писандидаи муҳоҷирон дар Маскав баста мешаванд
7 медали Тоҷикистон. Ҷадвали ғолибони мусобиқоти “Dushanbe Grand Slam 2024” маълум шуд
Паёмади боришоти шадид дар манотиқи Тоҷикистон
Сарбозони дар артиши Тоҷикистон зарардида чӣ гуна ҷуброн метавонанд дастрас кунанд?
Имсол дар Иди ғалаба гузашти ҳарбӣ доир намешавад
Мулоқоти Сироҷиддин Муҳриддин бо Сафири Арабистони Саудӣ
Кулли ахбор
Авторизуйтесь, пожалуйста