Вазири мудофиаи Тоҷикистон генерал-полковник Шералӣ Мирзо 25 июл бо вазири мудофиаи Қазоқистон генерал-лейтенант Нурлан Ермекбоев гуфтугӯи телефонӣ анҷом дод.
Бино ба иттилои дафтари матбуоти Вазорати мудофиаи Қазоқистон, зимни гуфтугӯ вазирон вазъиятро дар сарҳади Тоҷикистон бо Афғонистон ва масъалаи расонидани кумак ба Тоҷикистон аз ҷониби Қазоқистонро барои муқовимат бо таҳдиду чолишҳои мавҷуда баррасӣ намуданд.
Роҳбарони ниҳодҳои мудофиавии кишварҳр инчунин атрофи масоили омодагӣ ба машварати қарибулвуқӯи вазирони мудофиаи кишварҳои узви Созмони ҳамкории Шанхай дар шаҳри Душанбе табодули назар карданд.
Ёдрас мекунем, ки охири моҳи май Қазоқистон изҳор дошт, ки ният дорад ба Тоҷикистон аз лиҳози ҳарбӣ-техникӣ кумак кунад.
Як рӯз пеш Шералӣ Мирзо тариқи телефон бо вазири мудофиаи Русия, генерали артиш Сергей Шойгу гуфтугӯ карда, вазъият дар сарҳад ва тадбирҳои муштаракро ҷиҳати пешгирӣ ва рафъи таҳдиду хатарҳои марбут ба шиддат гирифтани вазъ дар Афғонистон баррасӣ намуданд, хабар медиҳад хадамоти матбуоти Вазорати мудофиаи Русия.
Дар ҳамин ҳол, бино ба маълумоти як манбаи “Азия-Плюс” дар сохтори қудратии ҳукумати Тоҷикистон, вазирони мудофиаи кишварҳо ҷараёни татбиқи қарордодҳои қаблан ҳосилшуда байни сарони давлатҳои Тоҷикистону Русия дар самти таҳқими моддӣ-техникии артиши Тоҷикистон ва тақвияти ҳамкории ҳарбӣ-техникии ду кишварро мавриди баррасӣ қарор доданд.
Ба гуфтаи манбаъ, вазирон ҳамчунин дар бораи тамринҳои низомии се кишвар - Русия, Тоҷикистон ва Ӯзбекистон, ки дар Душанбе ба нақшаи гирифта шудааст, изҳори назар намуданд.
“Коршиносони ҳарбии Вазоратҳои мудофиаи Русия ва Ӯзбекистон аллакай ба Тоҷикистон омада, масоили баргузории тамринҳои муштараки зиддитеррористиро аз 5 то 10 август дар машқгоҳи “Ҳарбмайдон” таҳияву коркард мекунанд”, - зикр кард манбаъ.
Ёдрас мекунем, ки бо иштироки ҷузъу томҳои ҳарбӣ аз Русия, Ӯзбекистон ва Тоҷикистон аз 5 то 10 август дар машқгоҳи “Ҳарбмайдон” тамринҳои муштарак баргузор мешаванд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Дар Суғд куҳансолтарин дарахтонро рӯйхат мекунанд
Тамокукашӣ ва вазни зиёдатӣ: чӣ гуна бо одатҳои бад метавон аз саратон пешгирӣ кард?
Даст ба ҷайби мардум? Ва ё чаро ҳизбҳои сиёсӣ набояд аз буҷети давлат маблағгузорӣ шаванд?
Бонки миллии Тоҷикистон ва Бонки марказии Ӯзбекистон созишномаи ҳамкорӣ ба имзо расониданд
Ҳукми қатли Бобаки Занҷонӣ бекор шуд. Ӯ кист ва бо Тоҷикистон чӣ иртибот дорад?
Дар “Хуҷанд” маош намедиҳанд. Посухи сармураббӣ
Тоҷикистон барои шаҳрвандони 25 кишвари дигар низоми раводидро бекор кард
“Аз фурудгоҳ ихроҷ карданд, сабабашро нагуфтанд”. Русия садҳо муҳоҷири тоҷикро ихроҷ кардааст
Сироҷиддин Муҳриддин гуфтааст, изҳороти Сергей Лавров “бо вазъи воқеӣ мувофиқат намекунад”
Даргузашти муҷассамасози шинохта Игор Иванов
Кулли ахбор
Авторизуйтесь, пожалуйста