Як гурӯҳи корбарони тоҷикистонии шабакаи иҷтимоии Facebook пешниҳод кардаанд, ки рӯзи 2-юми сентябр алайҳи ширкатҳои мобилӣ таҳрим эълон карда шавад. Дар ин сана ба оғози амалиёти низомӣ дар Хоруғ 40 рӯз пур мешавад.
Корбарони шабака зикр мекунанд, ки дар натиҷаи қатъи алоқаи мобилӣ муддати як моҳ мардум бо хешовандону наздиконашон иртибот гирифта наметавонистанд.
«Тӯли як моҳ ҳеҷ кадоме аз роҳбарони ширкатҳои мобилӣ қазияро шарҳ надода, аз мардум узр напурсиданд ва онҳоро бо андӯҳашон танҳо гузоштанд, - таъкид месозанд онҳо. – «Ним соати сукут» як навъ таҳримест алайҳи ширкатҳои мобилӣ, ки бидуни қарори додгоҳ (мутобиқи талаботи қонунгузории ҶТ) алоқа бо минтақаро қатъ намуданд. Ин нақзи мустақими ҳуқуқи инсон аст».
Аз корбарони тоҷикистонии ин шабака даъват мешавад, ки санаи 2-юми сентябр муддати расо ним соат телефонҳои мобилии худро хомӯш созанд, то ки «ба ҷои нозуктарини ширкатҳо – кисаашон зарба зананд».
Мебояд гуфт, ки аксари корбарони шабака ба эълони таҳрим ва хомӯш кардани телефонҳои ҳамроҳи худ розианд.
Ёдрас мекунем, ки соати 04:00-и субҳи рӯзи 24-уми июл то оғози амалиёти низомии нерӯҳои қудратӣ иртиботи телефонӣ бо маркази маъмурии ВМКБ – шаҳри Хоруғ қатъ гардид.
Он замон қатъи иртиботи телефонӣ бо шаҳри Хоруғ ва ноҳияҳои атрофи онро сардори Хадамоти алоқаи назди ҳукумати ҶТ Бег Зуҳуров комилан ба мушкилоти фаннӣ нисбат дода, изҳор карда буд, ки «ҳангоми рӯйдодҳои ба ҳамагон маълуми шаҳри Хоруғ тир ба симҳо бархӯрдааст , ки он ба қатъи алоқа боис гардид».
Алоқа тавассути телефонҳои хонагӣ бо Хоруғ рӯзи 28-уми июл ва иртибот тариқи телефонҳои ҳамроҳ 25-уми август барқарор шуд.
Дар ҳамин ҳол, ба ОИ «Азия-Плюс» муссар нагардид, ки дар бораи барқарор шудани алоқаи мобилӣ бо Хоруғ бевосита аз Хадамоти алоқи назди ҳукумати ҶТ маълумоте дастрас намояд.
Ном ба ном. Зимни тағйироти кадрии имрӯза кӣ чӣ вазифа гирифт ва ё аз мансаб озод шуд?
Эмомалӣ Раҳмон барои таҷлили Рӯзи Ғалаба ба Маскав меравад
Шӯрои миллии муқовимат ба Толибон: “Бештар аз ин бо ситезаҷӯӣ ва зулм сабри мардумро наозмоед!”
Аз сафирон то роҳбарони Агентиҳо. Тағйироти кадрӣ ва дастури Эмомалӣ Раҳмон ба мансабдорони навтаъин
Агентии омор: Сокинони Тоҷикистон дар як шабонарӯз 8 соат хоб, 7 дақиқа мутолиа ва ҳамагӣ 1 соат кор мекунанд
Ҳамлаи мушакии Ҳамос ба сарбозони исроилӣ. Огоҳӣ барои тахлия аз Рафаҳи Шарқӣ дода шуд
Дар Ховалинг як нафар ғарқ шуда, дигарӣ ба ҷарӣ афтод ва ҷароҳат бардошт
Ҳалокати се нафар, зери об мондани садҳо гектар замину хонаи сокинон. КҲФ хисороти боришоти шадиди ду рӯзи охирро гуфт
Дар Тоҷикистон корхонаи истеҳсоли дору ва молҳои тиббӣ сохта мешавад
“Вазъи молиявӣ барои ғолибият таъсир намерасонад!”. Дар Тоҷикистон озмуни “Оилаи намунавӣ” идома дорад
Кулли ахбор
Авторизуйтесь, пожалуйста