Имсол Тоҷикистон барои шаҳрвандони Афғонистон 40 бурсия (квота) ҷудо кардааст. Масъулини Вазорати маориф ва илм мегӯянд, ки дар бурсия маъруфтарин ихтисосҳои донишгоҳҳои бонуфузи Тоҷикистон шомил аст, вале намояндаи Сафорати Афғонистон дар Тоҷикистон нигаронӣ дорад, ки “ихтисосҳои бадардхӯр кам аст”.
Наврӯзи Мирзо, сухангӯи Вазорати маориф ва илми Тоҷикистон ба “Азия-Плюс” гуфт, вазорат ҳамасола барои афғонистониҳо 50 бурсия ҷудо мекард, ки як қисми он ба хатмкунандагони мактабҳои Афғонистон ва қисми дигараш ба афғонистониҳои муқими Тоҷикистон пешниҳод мешуд.
“Имсол бо баъзе сабабҳо теъдоди бурсия кам шуд ва дар соли таҳсили нав Вазорати маориф ва илми Тоҷикистон танҳо барои шаҳрвандони Афғонистон, ки дар қаламрави Тоҷикистон зиндагӣ мекунанд, 40 бурсия ҷудо кард”, - гуфт ҳамсӯҳбати мо.
Сухангӯи Вазорати маориф ва илм афзуд, ки “дар миёни бурсияҳо маъруфтарин ихтисосҳои донишгоҳҳои бонуфузи кишвар шомил аст ва афғонистониён имкон доранд, ки аз рӯи шавқу рағбат ихтисоси ояндаи худро интихоб кунанд”.
Ӯ гуфт, ки ҳоло рӯйхати ихтисоси бурсияҳо ба масъулини Сафорати Афғонистон дар Тоҷикистон ироа шудааст ва интихоби довталабон идома дорад.
“Ихтисосҳои бадардхӯрд каманд”
Башируллоҳ Тавҳидӣ, сардори бахши маорифи Сафорати Афғонистон дар Тоҷикистон зимни сӯҳбат бо “Азия-Плюс” ҷузъиёти кам ҷудо шудани бурсия ва нигаронии муҳассилини афғонистониро гуфт.
Ба гуфтаи ӯ, имсол бинобар сабаби манъи таҳсил, ба вижаи таҳсили занон дар Афғонистон ва муносибатҳои давлати Тоҷикистон бо намояндагони Толибон* камтар бурсия шудо гардид.
“Дар солҳои қаблӣ 50 бурсия ҷудо мешуд ва мо нисфи онро ба хатмкардагони камбизоати Афғонистон равон мекардем. Ҳудуди 30 нафар муҳассилини кишвари мо бо бурсия барои таҳсил ба Тоҷикистон меомаданд. Аммо имсол хатмкунандагони Афғонистон имкон надоранд, ки тариқи бурсия барои таҳсил ба Тоҷикистон оянд. Акнун 40 бурсияи имсол ҷудошуда ба афғонистониҳои муқими Тоҷикистон дода мешавад”, - шарҳ дод Башируллоҳ Тавҳидӣ.
Тавҳидӣ бо нигаронӣ афзуд, ки “дар соли таҳсили гузашта 41 нафар хонандагони Афғонистон мактаби вижаи афғонии “Сомониён”-и шаҳри Душанберо хатм карданд, вале ҳоло ҳамаи онҳо наметавонанд, ки ба ихтисосҳои писандидаи худ тариқи бурсия дохил шаванд”.
“Дар рӯйхати бурсияҳои ҷудокардаи Вазорати маориф ва илми Тоҷикистон ихтисосҳои гунонгун ҳастанд, аммо муҳассилини мо намехоҳанд дар он ихтисосҳо таҳсил кунанд. Ихтисосҳои бадардхӯрд каманд. Масалан, хонанадгони афғон бештар мехоҳанд, ки дар риштаи тиб таҳсил кунанд, аммо бурсия кам аст”, - гуфт Башируллоҳ Тавҳидӣ.
Намояндаи Сафорати Афғонистон дар Тоҷикистон гуфт, ҳоло хатмкунандагони афғон барои кумак ба таҳсилашон ба намояндагони созмонҳои байналмилалӣ муроҷиат кардаанд ва дар сурати пазироӣ 60 дарсади маблағи таҳсили онҳоро созмонҳои байналмилалӣ ба дӯш мегиранд.
Бояд гуфт, ки бо сари қудрат омадани гурӯҳи Толибон дар Афғонистон дар моҳи августи соли 2021 таҳсили духтарон дар синфҳои болоии мактабҳои миёна ва донишгоҳҳои олӣ дар ин кишвар манъ шуд.
Ёдовар мешавем, ки Толибон дар соли равон дипломҳои хатми духтарони афғонро надоданд ва ахиран иштироки духтаронро дар имтиҳони имсолаи дохилшавӣ ҳам манъ карданд.
*Дар Тоҷикистон гурӯҳи террористӣ эътироф шудааст.
Ҳар он чи дар Афғонистон рух медиҳад, метавонед мустақиман дар сужаи мо - Афғонистон бихонед.
Дар “мардикорбозор”-и Душанбе чӣ мегӯянду чӣ гуна корҳо пайдо мекунанд?
“Беизтироб хонда намешавад”. Рӯнамоии китоби нави Гулсифат Шаҳидӣ дар Душанбе
Сайфулло Маҳкамов, рӯзноманигори тоҷикро дар зодгоҳаш ба хок супориданд
Рамазон Раҳимзода бо Якоб Схермерс истирдоди шахсони дар ҷустуҷӯ қарордоштаро баррасӣ кардааст
Чупик: "Аз пайи тоҷикон шаҳрвандони Ӯзбекистону Қирғизистонро ҳам ба Русия роҳ намедиҳанд"
Пуштибони Муъмину Лоиқу Бозор. Мирзо Турсунзода ва нақши ӯ дар адабиёт ва тарбияи истеъдодҳо
Аз қитъаи замин то шаҳодатномаи ронандагӣ. Чаро ваъдаҳои мақомот ҷавононро ба хидмати ҳарбӣ дилгарм намекунад?
“Шоҳ” ва ситораҳои тобони ҷудои ҷаҳон ба Душанбе омаданд. Онҳо дар "Dushanbe Grand Slam 2024” иштирок мекунанд
Ҳаҷми истеҳсоли маҳсулоти кишоварзӣ дар Тоҷикистон зиёд шуд
БИР ва фондҳои рушди араб барои маблағгузорӣ ба неругоҳи “Роғун” 550 млн доллар ҷудо мекунанд
Кулли ахбор
Авторизуйтесь, пожалуйста