Президенти тозаинтихоби Эрон Саид Иброҳим Раисӣ, ки маросими савгандёдкуниаш нимаи дуюми имрӯз дар Теҳрон доир мегардад, раиси Маҷлиси намояндагони Маҷлиси Олии Тоҷикистон Маҳмадтоир Зокирзодаро ба ҳузур пазируфт.
Тибқи иттилои котиби матбуотии Маҷлиси намояндагон Муҳамадато Султонов аз шаҳри Теҳрон Маҳмадтоир Зокирзода қабл аз оғози сӯҳбат салому эҳтиромот ва орзуҳои неки президенти Тоҷикистон Эмомалӣ Раҳмонро ба Сайид Иброҳим Раисӣ расонидааст.
“Раиси палатаи поёнии парлумони Тоҷикистон изҳори итминон кард, ки ҳамкории мутақобилан судманди ду кишвар дар ҳамаи соҳаҳо рушд ёфта, инчунин таъкид намуд, ки густариши муносибатҳои дӯстона ва ҳамкориҳои мутақобилан судманд бо Эрон яке аз самтҳои афзалиятноки сиёсати хориҷии Тоҷикистон ба ҳисоб меравад”, - хабар дод котиби матбуотӣ.
Ба гуфтаи ӯ, Зкирзода зикр кардааст, ки Маҷлиси намояндагони Маҷлиси Олии Тоҷикистон ба ҳамкориҳои пурмаҳсулу судманд бо кишвари бародари Эрон таваҷҷуҳи хоса зоҳир намуда, тавассути гурӯҳҳои дӯстӣ масъалаҳои марбут ба қонунгузорӣ, густариши робитаҳои иқтисодӣ ва дигар масъалаҳои барои халқу кишварамон муҳимро мавриди ҳаллу фасл қарор медиҳад.
Зикр шудааст, ки то ба имрӯз байни кишварҳо беш аз 160 санади ҳамкории дуҷониба, ки соҳаҳои гуногунро фаро мегиранд, ба имзо расидааст.
“Албатта, умед дорем, ки ташрифи мазкур ба Ҷумҳурии Исломии Эрон барои боз ҳам таҳким бахшидани раванди ҳамкориҳои дуҷониба заминаи мусоид фароҳам биоварад”, - иброз доштааст Зокирзода.
Дар доираи сафар ба Эрон Маҳмадтоир Зокирзода имрӯз ҳамчунин бо раиси парлумони ин кишвар Муҳаммад Боқир Қолибоф дидору гуфтушунид анҷом дода, зимни мулоқот масоили таҳкими робитаҳои байнипарлумонии кишварҳо баррасӣ шуданд.
Лутфан, хабари муҳим, суол ва аксу видеоҳои ҷолибро дар бораи масоили ҳалталаби ҷомеа ба Asia-Plus тариқи Viber, Telegram, Whatsapp, Imo бо рақами +992 93 792 42 45 фиристед.
Дар Telegram, Facebook, Instagram, Viber, Яндекс.Дзен, OK ва Google Новости бо мо бимонед.
Афиша от «Азия-Плюс»: Ночь TUT и снова вечер киномузыки, но теперь в театре Лохути
«Мы лишь выполнили свой человеческий долг»: как таджикские мигранты спасают российских граждан
Хозяин "Крокуса": Система пожаротушения во время теракта сработала штатно, а пожарные выходы были открыты
Таджикистан сократил количество квот на привлечение иностранной рабочей силы до 6,5 тысяч
Генсек ОДКБ: В Центральной Азии растет вероятность приграничных конфликтов за ресурсы, в первую очередь за воду
В Таджикистане всех родственников Фаридуна Шамсиддина забрали, сестру из России депортировали
Гражданина Таджикистана в России обвинили в оправдании теракта в «Крокусе»
Что мешает экономике Таджикистана стать свободной?
В $100 миллиардов оценил Reuters потери ушедших из России компаний
В Кыргызстане бывшего таможенника Матраимова и его братьев отправили в СИЗО
Все новости
Авторизуйтесь, пожалуйста