Намояндаи Созмони амнияти ҳамкории Аврупо (САҲА) оид ба масоили озодии ВАО Арлем Дезир дар робита ба ҷазои сангин нисбати рӯзноманигор Хайрулло Мирсаидов нигаронӣ изҳор намуд.
«Ман аз ҳукми сангин ва номутаносиб нисбати журналист, бахусус бо назардошти он маблағ - 124 ҳазор сомонӣ (наздики 11,521 евро), ки ба азхудкунии он ӯ айбдор мешавад, хеле дар ташвишам», - оварда мешавад гуфтаҳои Дезир дар сомонаи расмии САҲА.
«Ҳукуматдоронро ба озодии фаврии Хайрулло Мирсаидов ва таъмини озодии журналистон дар Тоҷикистон, ҳуқуқи хабар додан ва навиштан аз рӯи ҳамаи масъалаҳои мавриди таваҷҷуҳи ҷомеа бидуни ҳарос аз муҷозот даъват мекунам», - гуфтааст Дезир.
Намояндаи САҲА оид ба масоили озодии ВАО қаблан низ доир ба қазияи Мирсаидов нигаронӣ изҳор намуда буд. Дар нома ба унвони ҳукуматдорони Тоҷикистон моҳи марти соли 2018 ва изҳороти умум дар моҳи апрели соли 2018 ӯ зикр карда буд, ки боздошти журналист натиҷаи фаъолияти касбии ӯ мебошад.
Ёдрас мекунем, ки суди шаҳри Хуҷанд санаи 11 июл рӯзноманигор ва роҳбари дастаи «КВН Тоҷикистон» Хайрулло Мирсаидовро ба 12 соли зиндони низомаш шадид маҳкум намуд. Ҷониби ҳимояи Мирсаидов ҳукмро «ҷазои ниҳоят сангин» дониста, ният доранд, ки аз болои он ба зинаи болоӣ шикоят баранд. Дар ҳамин ҳол, адвокат Дилафрӯз Самадова қайд кард, ки суд гуноҳи Мирсаидовро дар ҳеҷ кадоме аз айбномаҳои пешниҳодшуда исбот накард.
Хабарҳои моро дар Telegram пайгирӣ намоед, ба шабакаи мо бо суроғаи https://t.me/asiaplus ҳамроҳ шавед.
Супоридани имтиҳони забони русӣ барои муҳоҷирон сангинтар мешавад
Дар бозӣ барои ҷойи сеюм низ бахти футзалистони тоҷик дар пеналти омад накард
“Бе зарурат ба Русия сафар накунед”. Шарҳи ВКХ Тоҷикистон оид ба банд мондани садҳо муҳоҷири тоҷик дар фурудгоҳҳои Русия
"Репатриант" – роҳи дигари муқим шудан дар Русия. Ин чӣ мақом аст ва кӣ метавонад аз он истифода кунад?
Ҳукумати Тоҷикистон ба НБО “Роғун” 5,5 млн доллар маблағи иловагӣ равона мекунад
Сафири Русия ба ВКХ даъват шуд. Тоҷикистон нигаронии худро оид ба эҷоди мушкил дар вуруди шаҳрвандонаш ба Русия иброз дошт
Роҳбари ҶДММ “Лоиқ”: “Санҷиши Агентии зиддифасод дахолат ба фаъолияти соҳибкорӣ аст”
Тоҷикистон медал намегирад? Пешгӯии таҳлилгарон оид ба Олимпиада-2024
Бо пешниҳоди Эмомалӣ Раҳмон. Шукурҷон Зуҳуров раис интихоб шуд
Даргузашти раиси пешини шаҳри Душанбе
Кулли ахбор
Авторизуйтесь, пожалуйста