Федератсияи байналмилалии ассотсиатсияҳои футбол (FIFA) радабандии навбатии мунтахабҳои футзали мардон ва занони ҷаҳонро нашр кард. Мавқеи мунтахаби футзали мардони Тоҷикистон дар радабандии мунтахабҳои ҷаҳон маълум шуда, он дар зинаи 47-ум қарор дорад.

Дар муқоиса бо радабандии пешин, мунтахаби футзали мардони Тоҷикистон як зина поин рафта, акнун 1064 имтиёз дорад. Мунтахаби ҷумҳурӣ аз дастаҳое ба мисли Олмон, Перу, Либия, Австралия, Латвия, Озарбойҷон ва дигар дастаҳо дар зинаи болотар ҷой гирифтааст.

Даҳгонаи аввали радабандии FIFA пас аз нашри радабандии нав чунин аст:

1. Бразилия;

2. Португалия;

3. Испания;

4. Аргентина;

5. Эрон;

6. Марокаш;

7. Русия; 

8. Украина; 

9. Қазоқистон;

10. Фаронса.

Дар қораи Осиё пешсаф Эрон буда, дар идома Тайланду Ҷопон, Ветнам, Ӯзбекистон, Индонезия. Афғонистон, Ироқ, Кувейт ва Қирғизистон қарор доранд.

Ёдрас мекунем, ки дар соли 2026 мунтахаби футзали Тоҷикистон дар мусобиқаи Ҷоми Осиё, ки аз 27 январ то 7-уми феврали соли 2026 дар Индонезия баргузор мешавад, иштирок мекунад.

Лаҳзае аз вохӯрии дастаҳои Лигаи футзали Тоҷикистон
Акс аз Лигаи футзали ҶТ

Дар ин радабандь, миёни дастаҳои занон мунтахаби Тоҷикистон зинаи 70-умро касб карда, дар муқоиса бо тимҳои Литва, Молдова, Мексика, Танзания, ИМА, Канада ва дигар дастаҳо дар мақоми болотар қарор дорад.

Пешсафони радабандии дастаҳо миёни занон Бразилия, Испания, Португалия, Аргентина, Италия, Ҷопон, Колумбия, Таиланд, Русия ва Эрон мебошанд.

Дар Telegram, Facebook ва Instagram бо мо бимонед.