Душанбе. 5-уми июл. ОИ «Азия-Плюс» - Соли нави таҳсил дар шаҳри Турсунзода се мактаби замонавӣ ифтитоҳ мешавад. Мудири шӯъбаи маорифи ноҳияи Турсунзода Мӯминҷон Абдуллоев мегӯяд, ки маросими ба истифода супоридани онҳо дар таърихи 10-11-уми июл бо иштироки сарвари давлат ба нақша гирифта шудааст.
Яке аз ин мактабҳои таҳсилоти умумӣ «Литсеи президентӣ барои кӯдакони болаёқат» мебошад, ки бо сармоягузории Корхонаи алюминии Тоҷикистон ба маблағи 2,6 млню сомонӣ бунёд меёёбад ва барои 320 нафар хонандагон пешбинӣ гардидааст. Ташаббускори сохтмони мактаби мазкур президенти Тоҷикистон Эмомалӣ Раҳмон аст.
Муассисаи дигари таълимӣ - мактаби дуошёнаи №13 барои 640 нафар хонанда мебошад, ки бо маблағи ҷудошудаи буҷаи ноҳия дар ҳаҷми 4 млн. сомонӣ сохта мешавад. Ба гуфтаи М.Абдуллоев, 2,5 млн. сомонӣ аз ин маблағ аллакай азхуд шудааст: ду бинои иншоот аллакай тайёр шудаанд, бинои саввум аввали соли хониш ба истифода дода мешавад.
Ва муассисаи таълимии саввум мактаби №17 барои 340 толибилмон буда, аз ҳисоби раёсати сохтмони Вазорати маорифи ҶТ ба маблағи 1,1 млн. сомонӣ бунёд мегардад. Интизор меравад, ки он дарҳои худро барои кӯдакони оилаҳои муҳоҷирони вилояти Хатлон дар деҳаи «Қизил-йӯл»-и ҷамоати Навобод боз хоҳад намуд.
Шикояти 1200 муҳоҷири тоҷик оид ба нақзи ҳуқуқашон дар Русия ба сафорати Тоҷикистон
Дар баъзе кишварҳо дар робита ба ҳалокати президенти Эрон мотам эълон шуд
Чаро дар Тоҷикистон гӯшт ҳамеша қимат аст?
Аз “Лоиқхонӣ” то “Рӯзи шеъри тоҷик”. Дар Душанбе аз Муъмин Қаноат ва Лоиқ Шералӣ ёд карданд
Тоҷикистону Қирғизистон амният дар марзро баррасӣ карданд
Иҷрокунандаи вазифаи раиси ҷумҳур ва вазири умури хориҷаи Эрон муайян шуд
Русия дар Тоҷикистон истеҳсоли дорувориро ба роҳ монданист
Арзиши эстакада дар Душанбе қариб ба 28,5 млн евро баробар аст
Рустами Эмомалӣ дар робита ба ҳалокати Саидиброҳим Раисӣ ба ҳамтои эронии худ барқияи таслият ирсол кард
Абдунабӣ Сатторзода: Лоиқро ба ҳарду майдон даъват мекарданд, аммо ӯ ёри на “Шаҳидон” ва на “Озодӣ” буд
Кулли ахбор
Авторизуйтесь, пожалуйста