Душанбе. 22-юми апрел. ОИ «Азия-Плюс» - Чанде қабл дар Вазорати молияи ҶТ вазири молияи кишвар Сафаралӣ Наҷмиддинов ва иҷрокунандаи вазифаи намояндаи доимии Бонки ҷаҳонӣ дар Тоҷикистон Саодат Бозорова Созишнома миёни ҳукумати ҶТ ва Бонки ҷаҳонӣ дар бораи маблағгузории бурси барномавӣ ҷиҳати таҳияи чорабиниҳо дар ҳаҷми 20 млн. доллари ИМА-ро ба имзо расониданд.
Чӣ тавре ки аз хадамоти матбуоти вазорати молияи ҷумҳурӣ ба ОИ «Азия-Плюс» хабар доданд, ҳадаф аз кӯмаки мазкур – таъмини минбаъдаи ислоҳот ва иҷрои барномаи коҳиши сатҳи камбизоатӣ дар Тоҷикистон аст. «Нахуст ҳаҷми маблағи бурси мазкур 10 млн. доллари ИМА-ро ташкил медод, вале дар натиҷаи гуфтушуниди ҷонибҳо ва бо назардошти осебпазирии Тоҷикистон ба оқибатҳои таъсири бӯҳрони молӣ он то 20 млн.
$
зиёд карда шуд», - гуфт манбаъ.
Бино ба иттилои манбаъ, бурси мазкур ҳамчун дастгирии мустақими буҷа баҳри таъмини устувории макроиқтисодӣ, маблағгузорӣ ба барномаҳои иҷтимоӣ, дастгирии чорабиниҳо оид ба рушди соҳибкории хусусӣ ва ташкил кардани хадамоти ҳирфаии давлатӣ равона мегардад. «Кӯмак ба ҳукумати кишвар барои сабук кардани тартиби маъмурии бақайдгирӣ ва фаъолияти корхонаҳои бахши хусусӣ, таъмини шаффофияти хусусигардонии корхонаву муассисаҳои давлатӣ, баланд бардоштани рақобатпазирии соҳаи ҳавопаймоӣ, энергетика, кишоварзӣ, ислоҳоти низоми идоракунии давлатӣ ва беҳбуди пешниҳоди хизматрасониҳо дар соҳаи тандурустӣ ва маориф шароити муосид фароҳам хоҳад овард»,- афзуд сарчашма.
КДАМ Тоҷикистон гуфт, чораҳои амниятиро дар сарҳади давлатӣ пурзӯр мекунад
Муҳлати ҳабси се узви оилаи Исломовҳо ва як шаҳрванди Қирғизистон низ тамдид гардид
Сангу чуб дар баробари танку туп. Эътирозгарон ба Толибон: посухи эътироз гулӯла нест!
Бонки осиёии рушд ба гумони ғолиб, дар маблағгузории сохтмони неругоҳи “Роғун” саҳм мегузорад
Имкони охирини муштзанҳои тоҷик барои дарёфти роҳхат ба Олимпиадаи Фаронса
“Се занро, аз ҷумла як ноболиғро ба никоҳаш даровардааст”. Боздошти як “қорӣ” бо гумони қаллобӣ
Миҷгона Маҳмадалиева аз Тоҷикистон дар ҳайати Кумитаи иҷроияи КФО. Бори нахуст дар Осиёи Марказӣ
Додгоҳи Маскав муҳлати ҳабси боз 4 гумонбари ҳамла ба “Крокус”-ро тамдид кард
Бар асари садама дар Ашт се нафар ба ҳалокат расиданд
Як додраси тоҷик ба гирифтани қариб 129 ҳазор сомонӣ пора муттаҳам дониста мешавад
Кулли ахбор
Авторизуйтесь, пожалуйста